İT mütəxəssisi Elam Mütəllim sosial şəbəkə hesabında “Təcili yardım”ın mobil tətbiqinin hazırlanması ilə bağlı təklif irəli sürüb.

Modern.az-ın məlumatına görə, o, bununla bağlı Səhiyyə Nazirliyi, Tibbi Ərazi Bölmələrini İdarəetmə Birliyinə müraciət edib.

Müraciətdə deyilir:

"Təklif edirik ki, komanda şəklində birləşib, "Təcili yardım" mobil tətbiqini hazırlayaq. Bununla da təcili yardım sifarişləri mobil tətbiq üzərindən rahat şəkildə verilə bilsin. İnsanlar təcili yardımın harada olduğunu görə bilsinlər, sürücü xəritə üzrə dəqiq hərəkət edə bilsin, həm də sizin iş yükünüz azalsın".

Mütəxəssis təklifini professional şəkildə hazırlayaraq, sabah rəsmi təqdim edəcəyini diqqətə çatdırıb:

"Ümid edirik ki, insanlarla-sürücülər-həkimlər arasında olan dava-dalaş, narahatlıqlar, bu təklifimizi qəbul etməklə aradan qalxacaq. Təbii ki, texnologiya dövrü olduğunu anlayıb, müsbət geridönüş edəcəyiniz halda”.

Modern.az maraq doğuran təkliflə bağlı Səhiyyə Nazirliyi və TƏBİB-ə sorğu ünvanlayıb.

Səhiyyə Nazirliyinin Mətbuat xidmətinin əməkdaşı Elvin Hacıyev bildirib ki, quruma müraciət olunduqdan sonra mövqelərini bildirəcəklər:

“Bizə hələ ki, müraciət olunmayıb. Təkliflə bağlı müraciət olmadığı halda fikir səsləndirməyimiz doğru olmaz. Müraciət olunduqda təkliflə bağlı görüşlərimizi irəli sürəcəyik”.

TƏBİB-in İctimaiyyətlə əlaqələr və tədbirlər şöbəsinin müdiri Zamirə Ədilova söyləyib ki, müraciət edilərsə, müvafiq qaydada məsələyə baxılacaq:

“Biz bilmədiyimiz təklif haqqında fikir bildirə bilmərik. Baxıldıqdan sonra dəyərləndirəcəyik”.скачать dle 10.6фильмы бесплатно