- Sahilə xanım, necə oldu ki, bu sahəyə gəldiniz?

- Hər bir qız uşağı ağlı kəsəndə ona veriləcək "böyüyəndə kim olacaqsan?" sualına həkim olacağam deyə cavab verir. Bundan fərqli olaraq mən həmişə jurnalist olmaq istəyirdim. Amma bəzən həyat bizim istəklərimizin tam əksini bizə təqdim edir. Bu sahədə olmağım üçün peşman deyiləm və sənətimi, işimi çox sevirəm.

- Neçə ildir ki, bu sahədəsiniz?

- Artıq 7 ildir ki, bu sahədəyəm. Amma peşəkar olaraq beş ildir fəaliyyət göstərirəm.

- Öz sahəniz üzrə hansı işləri görürsünüz?

- Mən əvvəlcə lazeroloq kimi fəaliyyətə başladım. Sonra kosmetologiya dərsləri aldım. Hal-hazırda həm lektor lazeroloq, həm də kosmetoloq kimi fəaliyyət göstərirəm.

- İş prinsipiniz nədən ibarətdir?

- Gördüyüm işdən yaxşı nəticə almaq əsas iş prinsipimdir.

- Hansı yaş qrupuna aid insanlarla çalışırsınız?

- İyirmi yaşdan altmış yaşa qədər olan bütün pasiyentləri qəbul edirəm.

- Son zamanlarda sizə daha çox nə ilə bağlı müraciətlər olur?

- Dəri qulluğu, ləkələr, yorğun üz sindromu ilə bağlı müraciətlər daha çox olur.

- Bir mütəxəssis olaraq nəyə "yox" deyirsiniz?

- Bir mütəxəsis olaraq  qulluqsuz dəriyə, baxımsızlığa və bir də gəlib anında üzümü dəyişdir, botoks et deyənə "yox" deyirəm. Çünki illərlə baxımsız qalıb, sonra bir möcüzə ilə dəyişmək hamımız bilirik ki, alınan bir məsələ deyil.

- Xarakter olaraq necə birisiniz?

- Xarakterimi etrafımdan soruşsanız, daha dogru olar.

- Ailəlisinizmi?

- Bəli, ailəliyəm. 3 övladım var. Qızım Türkiyədə tibb universitetində təhsil alır. Oğlum da Türkiyədə idman fakültəsinin tələbəsidir. Kiçik oğlumun beş yaşı var. Hələ ki, erkən inkişaf kursundadır.

- Oxuculara nə məsləhət görürsünüz?

- Oxuculara məsləhətim odur ki, xahiş edirəm hansısa saytlardan, hardansa tapdıqları şəkillərlə, həkimlərimizlə yanaşıb bizi belə et deməyin. Gözlə xanımlar xanımlar, baxımlı olun. Çirkin xanım yoxdur. Sadəcə özünə baxmayan xanım var. Gün ərzində sadəcə yarım saat üz baxımınıza vaxt ayırın.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Ağlıma gəlməzdi ki, bir gün sizin kimi bir peşəkar jurnalistin qarşısında müsahibə verəcəyəm. Düzdür, uğurlu olmağıma şübhəm yox idi. Bilirdim ki, başladığım işin öhdəsindən gələcəyəm. Çünki prinsipimə görə ya mükəmməl olmalı, ya da ən mükəmməl olmalıdır insan.

Əlaqə nömrəsi: (077) 209 13 14