- Xəyalə xanım, necə oldu ki, bu sahəyə gəldiniz?

- Mən ziyalı ailəsində böyümüşəm. Anam biologiya müəllimi, atam isə dövlət qulluğçusudur. Anam və atam həmişə mənə dəstək olublar. R.İsmayılov adına məktəbi əla qiymətlərlə bitirərək Sumqayıt Dövlət  Universitetinin fizika müəlliməliyi ixtisasına daxil oldum. Oxuduğum müddətdə universitedə YAP və TGT təşkilatlarının sədri seçilmişəm. Müxtəlif debat bilik yarışmalarında qalib olmuşam. Bakalavr təhsilimi bitirdikdən sonra Mexanika və tətbiqi riyaziyyat üzrə magistr təhsili almışam.Məntiq fənninə maragım magistr təhsili aldığım müddətdə başladı. Riyaziyyat və Fizika fənlərini çox sevdiyim üçün məntiq mənim üçün hər gün bir az daha maraqlı gəlməyə başladı. Məntiq fənni üzrə DİM təhsil ekspertində təlimlər almağa  başladım. Məntiqdən MİQ imtahanı zamanı 10 suala düzgün cavab yazaraq. MİQ imtahanında məntiq fənni üzrə ən yüksək nəticə əldə etdim. İşlədiyim müddətdə Riyaziyyat və Fizika fənni Üzrə abuturiyent hazrlayırdım. Məntiq fənni üzrə müraciətlər, iş təklifi aldm. Orta məktəblərdə məntiq fənni keçirilmədiyi üçün məntiqdən müraciətlər daha çox oldu. Dövlət Qulluğu müəllimlərə keçdiyim təlimlərdə onların yüksək nəticə əldə edib onların sevincini gördükcə mənə bu sahə ilə məşgul olmağa daha da stimul verib və işimi mənə sevdirdi. Şagirdlərimi Fizika və Məntiq üzrə Respublika fənn olimpiyadalarda yer tutub birinciliklə öz yaşıdları arasında fərqlənmələri məni daha çox sevindirib. Bu sahənin genişləndirməyə həvəs yaratdı. Daha çox təlimlər verməyə başlayıb bu sahədə günü-gündən yorulmadan daha çox çalışdım.

- Neçə ildir ki, bu sahədə çalışırsınız?

- Artıq 8 ildir ki, Məntiq üzrə  təlimlər keçirəm. AGMA üzvüyəm.  Azərbaycan inciler mükafatına layiq görülmüşəm.
Diomonds of Türkey beynalxalq mükafatlandırmada  MİQ və Sertifikasya imtahanlarında uğurlu təlimlərim olub. Yüksək nəticə əldə etdiyim üçün Diomond of Türkey beynalxalq təlimçi mükafatı ilə təltif olunmuşam.

- Öz sahəniz üzrə hansı işləri icra edirsiniz?

-  Fizika Riyaziyyat üzrə Abituruyent hazırlığı, Məntiq üzrə müəllimlərə təlim, Dövlət qulluğu imtahanına hazırlıq, MİQ və Sertifikasiya təlimləri,  Orta məktəb şagirdləri üçün Məntiq hazrlığı və üzrə fəaliyyət göstərirəm.

- Son zamanlarda sizə daha çox nə ilə bağlı müraciətlər olur?

- Son zamanlar daha çox Məntiq fənni üzrə, Dövlət Qulluqları işə qəbul üçün müraciət edirlər. Müəllimlər məntiq üzrə daha çox təlim istəyir.  Xüsusi ilə də  Riyaziyyat və ibtidia sinif  müəllimlərindən daha çox müraciət olur. Orta məktəb şagirdləri Məntiq üzrə olimpiadalara hazrırlaşır. Daha çox müraciətlər bunlardan olur.

- Bir mütəxəssis olaraq nəyə "yox" deyirsiniz?

- Hər zaman olmasa da, bəzən "yox" deyə bilirəm. İnsanlarin mənfəət güddüyünü anladığım anda öyrəndim "yox" deməyi. Təəssüf ki, belə həqiqətlərlə tez-tez rastlaşıram. Bəzən mənə müraciətlər olur. Müəllimlərdən məntiq fənni, ibtidai sinif qədər öyrədin. Mən şagird hazırlayım, mənə ibtidai qədər öyrənsəm, kifayət edər deyə çox rastlaşıram bu cür müraciətlərlə. Kəskinliklə "yox" deyirəm ki, ümumi təlimi əldə edib bitirmədən məntiq  fənni dərindən öyrənmədən şagird hazırlamaq olmaz. Mənə görə, insan bir peşəni dərindən öyrənib sonra kiməsə öyrətməlidir. Düşünürəm ki, "yox" kəlməsi ilə insanları tanımaq olur bəzən.

- Xarakter olaraq necə birisiniz?

- Öz şəxsi keyfiyətlərini bilik və bacarıqlarını həmişə nümayiş etdirməyə səy göstərən, başqalarının fikrinə hər zaman hörmətlə yanaşıb, sonda özüm qərar çıxarmaği sevən, təkliyi və sakitliyi xoşlayan bir insanam. Liderliyə can atmaq istəyi iradəmin güclüyü və işimi sevən bir-birindən maraqlı idealar verən biriyəm.

- Ailəlisinizmi?

- Bəli, ailəliyəm. Bir övladım var.

- Oxuculara nə məsləhət görürsünüz?

- İnsan qarşısına qoyduğu məqsədə çatmaq üçün çalışmalı, mübarizə aparmalıdır və içindən gələn səsə qulaq asmalıdır. Mən bu işin öhdəsindən gəlməliyəm. O zaman uğur qazanmaq olar. Müvəffəqiyyət heç vaxt gözlədiyimiz yerə gəlməyəcək. Bunun üçün çalışmalı, zəhmət çəkməli ona doğru irəliləməliyik.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Mən bu işi seçərkən ağlıma gəlməzdi ki, hər kəs tərəfindən bu qədər sevilib hörmətlə qarşılanacağam. Şagirdlərimin mənə olan sevgisi məni çox xoşbəxt edir. Dərslərimə maraqla qulaq asıb mənə o cür hörmət bəsləmələri məni çox sevindirir.

Əlaqə nömrəsi: (077) 750 60 60





скачать dle 10.6фильмы бесплатно