- Lalə xanım, necə oldu ki, bu sahəyə gəldiniz?

- Uşaqlıq arzum həkim olmaq idi, amma sırf stomatologiyanı anamın təkidi ilə seçdim. Nə yaxşı ki, stomatoloq oldum. Özümü çox xoşbəxt hiss edirəm.

- Artıq neçə ildir ki, bu sahədəsiniz?

- Yeddi ildir ki, bu sahədə fəaliyyət göstərirəm.

- İş prinsipiniz nədən ibarətdir?

- Pasientlərə sağlam və xoşbəxt təbəssüm bəxş etmək əsas iş prinsipimdir.

- Öz sahəniz üzrə hansı işləri icra edirsiniz?

- Endodantiya, restovrasiya və ortodontiya ilə məşğul oluram.

- Pasientlər sizə daha çox nə ilə bağlı müraciət edirlər?

- Daha çox diş ağrıları ilə və bəyaz dişlərlə bağlı müraciət edirlər.

- Xarakter olaraq necə birisiniz?

- Sakit və mülayim biriyəm. Bütün pasientlərim bunu təsdiqləyə bilər.

- Ailəlisinizmi?

- Bəli, ailəliyəm. İki qızım var.

- Bir həkim olaraq nəyə "yox" deyirsiniz?

- Bir həkim olaraq insanların öz sağlamlıqlarına etinasız yanaşmasına "yox" deyirəm. Sağlamlıq ağız boşluğundan başlayır ona görə də hamını ağız boşluğunu sağlam saxlamağa çağırıram.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Ağlıma gəlməzdi ki, mən stomatologiyanı bu qədər çox sevəcəm. Pasientlərə bir sağlam diş bəxş edəndə, yaxud hər hansı bir dişi restovrasiya edəndə və ya ortodontik müalicənin sonunda pasientə gözəl təbəssüm bəxş edəndə özümü çox xoşbəxt hiss edirəm və mən öz işimi çox sevirəm.

Əlaqə nömrəsi: (055) 460 13 75



скачать dle 10.6фильмы бесплатно