- Könül xanım, necə oldu ki, bu sahəyə gəldiniz?

- Mənim atam da həkimdir. Bu sahəyə marağım ondan qaynaqlandı. Qərara aldım ki, mən də onun yolunu davam etdirəcəyəm. Təhsilimi Türkiyədə aldım. Sonra Azərbaycanda dietologiya üzrə "Andop" akademiyasında Emil Hidayətlinin tələbəsi oldum. Düzgün qidalanma və dietologiya üzrə ixtisaslaşdım. Özüm də 15 ildir ki, pəhriz proqramlarına uyğun həyat tərzi yaşayıram.

- Artıq neçə ildir ki, bu sahədəsiniz?

- On ildir ki, bu sahədə fəaliyyət göstərirəm.

- Bu illər ərzində nə müşahidə etdiniz?

- Müşahidə etdim ki, istənilən bir xəstəliyin müalicəsinə uyğun pəhriz proqramı da tərtib edilməlidir. Qidalanma bizim xəstəliklərə uyğun olmalıdır.

- İş prinsipiniz nədən ibarətdir?

- Mənim üçün ən vacib olan həkim pasient münasibətidir. Birincisi güvən, ikinsi isə dostyana münasibət olmalıdır.

- Öz sahəniz üzrə hansı işləri icra edirsiniz?

- Daha çox piylənmə ilə mübarizə aparırıq. Ölkə əhalisinin səksən faizi piylənmədən əziyyət çəkir. Xüsusən də uşaqlarda piylənmə daha çox müşahidə edilir. Bunun da əsas səbəbi qeyri-aktiv həyat tərzi, texnologiyadan aşırı dərəcədə istifadə etmək və s.dir.

- İnsanlar sizə daha çox nə ilə bağlı müraciət edirlər?

- Daha çox arıqlamaqla bağlı müraciətlər olur. Amma mən ilk olaraq psixoloji baxımdan yanaşıram. Baxıram ki, həmin insana arıqlamaq lazımdır, yoxsa yox? Çünki arıqlamaqla sağlamlıq fərli anlamdır.

- Xarakter olaraq necə birisiniz?

- Kənardan baxanlara sərt biri kimi görünə bilərəm. Amma ana olduqdam sonra daha çox nəvazişlə davarnıram (gülür).

- Bir mütəxəssis olaraq nəyə "yox" deyirsiniz?

- Bəzi pasientlərin həkimin məsləhətlərinə laqeyd yanaşmaqların, onlara riayət etməməyinə qəti surətdə "yox" deyirəm.

- Oxuculara nə məsləhət görürsünüz?

- Hər kəs öz məsuliyyətini öz üzərinə götürsün. Öz sağlamlıqların qeydinə qalsınlar və sağlam qidalansınlar. Bir də ki, düzgün mütəxəssisə müraciət etsinlər.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Ağlıma gəlməzdi ki, bu iş belə çoxşaxəli bir işdir. Hər gün bir yeniliklə qarşılaşırıq. Biz də bu yenilikləri təqib edərək öz pasientlərimizə tətbiq etməyə çalışırıq.

Əlaqə nömrəsi: (055) 9663811


скачать dle 10.6фильмы бесплатно