- Mənsurə xanım, necə oldu ki, bu sahəyə gəldiniz?

- Mən uzun illərdir pedaqoq olaraq işləyirəm. Yeddi ildir ki, görmə məhdudiyyətli uşaqlarla çalışıram. Onların çox həssas duyğuları, fərqlilikləri məni çox maraqlandırdı. Digər sağlamlıq imkanları məhdud uşaqlarla da işləməyə qərar verdim. Çünki düşündüm ki, öz potensialımı düzgün istifadə edərək, onlara da dəstək ola bilərəm. Eyni zamanda atipik uşaqlarla yanaşı tipik uşaqlarla da çalışıram. Psixo-Pedaqoq, Uşaq və Yeniyetmə üzrə Psixoloq olaraq fəaliyyət göstərirəm.

- Öz sahəniz üzrə hansı işləri icra edirsiniz?

- Daha çox diqqət əksikliyi, fobialar, panik-atak, ünsiyyət, özgüvən əksikliyi, hiperaktivlik, aqressivlik və s. problemləri ilə məşğul oluram.

- Sizi öz sahəniz üzrə narahat edən məqam hansıdır?

- Ümumiyyətlə, autizmli uşaqların sayı gündən-günə çoxalır. Bu da məni çox narahat edir. Məsələ burasındadır ki, bəzi valideynlər autizmli uşaqlara xəstə uşaq kimi baxırlar. Bu, xəstəlik deyil, fərqlilikdir deyərdim. Əslində valideynlər onlara bir "dahi" kimi baxmalıdırlar. Çünki dünyanın bir çox tanınmış alimləri autizmli olublar. Autizmli uşaqlar bizdən fərqlənirlər. Daha həssas olurlar. Onlara düzgün yanaşmaq və inkişafları üzrərində düzgün işləmək lazımdır. İnkişaf düzgün olmayanda həmin uşaqlar daha da aqressiv olurlar. Valideynlər bu məqamlara diqqət etməlidirlər.

- Xarakter olaraq necə birisiniz?

- Həyatı, insanları öz baxışlarıma anlaliz edən biriyəm.

- İş prinsipiniz nədəb ibarətdir?

- Öz üzərimdə işləmək və daha da çox uğur əldə etmək əsas iş prinsipimdir.

- Oxuculara nə məsləhət görürsünüz?

- Valideynlər uşaqlara qarşı daha diqqətli olmalıdırlar və zamanla ayaqlaşmağı bacarmalıdırlar. Valideyn özü kənardan hər bir şeyə nəzarət etməli və görməlidir. Uşaqların düzgün formalaşmaları üçün onlara düzgün yanaşmaq lazımdır.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Ağlıma gəlməzdi ki, mən autizmli uşaqlara qarşı bu qədər canfəşanlıq edim, onlara bu qədər diqqət və qayğı ilə yanaşım. Son zamanlarda düşünürəm ki, sağlamlıq imkanları məhdud insanlarda olan, normal insanlarda olmayanlar nədir?! Çox fərqliliklər hiss edirəm. Analizlərim hələ də davam edir.

Əlaqə nömrəsi: (051) 386 85 79





скачать dle 10.6фильмы бесплатно