-Lalə xanım, necə oldu ki, həkimlik peşəsini seçdiniz?

- Atam uşaqlıqdan mənə və ətrafdakılara deyirdi ki, mənim qızım həkim olacaq. Anam və bir çox qohumlarım həkimdir, deyə bilərəm ki, başqa seçimim yox idi. Zaman keçdikcə atam mənimlə və uğurlarımla fəxr etməyə başladı, mən isə başa düşdüm ki,özümü tibbdən başqa heç bir sahədə görmürəm, bu həqiqətən mənim peşəmdir və öz işimdə mükəmmələm mütəxəssisəm.

- Artıq neçə ildir ki, bu sahədəsiniz?

- Öz sahəmi isə özüm seçmişəm,9 ildən çox mən endokrinoloq kimi ixtisaslaşdım və o vaxtdan bir gün belə peşman olmadım,işimi və pasiyentlərimi çox sevirəm.

- İş prinsipiniz nədən ibarətdir?

- Hər pasient önəmlidir, nə qədər varlı və ya kasıb olsa da, xəstəyə münasibət bundan dəyişmir, mən ona nə qədər kömək edə bilərəmsə, o qədər məndən alacaq.
Əlbətdə ki hər bir pasientə fərdi yanaşıram, uğurlu həkim həmişə bir az psixoloqdur, çünki hər kəsin xüsusi diqqətə,qayğıya, dəstəyə və motivasiyaya ehtiyacı var, sadəcə resept almaq yox.Hər şey yalnız müalicə yazmaqdan ibarət olsaydı, işimizi çoxdan robotlar görəcəkdi.Əsl həkim təkcə dərmanla yox, bir sözlə də müalicə edər.Bəzən düzgün tapılan sözlər belə,bir çox dərmanlardan daha faydalı olur...

- Öz sahəniz uzrə hansı işləri icra edirsiniz?

- Müalicəyə yanaşma kompleks şəkildə olmalıdır,bu həm dərmanlardı,vitamin əlavələridi,pəhriz və ya müəyyən qida məhdudiyyətləri,fiziki aktivlik barədə tövsiyyələr.Bəzi pasientlər isə,əlavə olaraq, sakitləşdirici vasitələrinə ehtiyac duyur.
Mən yanaşı olan xəstəliklərədə xüsusi diqqət yetirirəm,onlar mütləq nəzarət altında olmalıdır,çünki çox vaxt mənim xəstələrim komorbid olur.
Müalicə zamanı isə xəstənin rifahının yaxşılaşdırılması, məqsədlərimizə çatması və gələcəkdə baş verə biləçək ağır fəsadların inkişafının qarşısını öncədən alınmasından ibarətdir.

- İnsanlar sizə daha çox nə ilə bağlı müraciət edirlər?

- Endokrinoloq-dietoloq olaraq pasientlərimin əksəriyyəti şəkərli diabetdən, zob xəstəliklərdən və ya artıq çəki/piylənmədən əziyyət çəkir.
Lakin hormonal pozğunluqlarla müşahidə olunan nadir xəstəliklərdə rast gəlinir, məsələn, böyrəküstü vəzilərin və ya hipofizin şişləri,uşaqlarda boy çatışmamazlığı, qadınlarda menstrual disfunkiya və sonsuzluq,kişilərdə hormonlarla bağlı libido və erektil disfunksiya ilə müraciət edənlərin sayı da çoxdur.

- Xarakter olaraq necə birisiniz?

- Təbiətcə mərhəmətli,səmimi,ədalətli bir insanam, yanımdakı insan çətinliyə düşəndə ​​həmişə köməklik göstərəcək,hətta bəzən tam ödənişsiz imkan olmayan pasientləri qəbul edirəm, çünki mən bunu etməsəm, bu o deməkdir ki, Hippokrat andını pozacam.
Məqsədyönlülük - mənim ən vacib keyfiyyətimdir, yəqin ki buna görə də xəstələrim həmişə öz terapevtik məqsədlərinə nail olurlar!

-Hər həkimin öz peşə sirləri var, həkim olaraq uğur qazanmağınızın sirləri nədir?

- Mən çox sadə bir insanam,həmişə xəstələrimlə yaxınam, sıx əlaqədəyik,çünki mənim xəstələrim adətən xroniki olur və onlar üçün sadəcə həkim yox,dost olmağa çalışıram,lazımlı gədər xəstəliklər barəsində məlumatlandırıram, onları gündəlik qida seçimlərini etmək öyrədirəm,dəstək və motivasiya verirəm. Hər bir pasientimin uğurlarına görə qürur duyuram, sevinirəm və nəsə pis baş verəndə kövrəlirəm,çünki onlara doğmam kimi yanaşıram.

- Bir həkim olaraq nəyə "YOX" deyirsiniz?

- İnsanların tezliklə sağalmaq istəyi ilə manipulyasiya edən qeyri-peşəkarlara, şarlatanlara yox deyirəm! Həkimlik müqəddəs bir peşədir, onun əsas postulatı “zərər vermə”. Təəssüf ki, bu prinsipə hərkəs eyni qaydada yanaşmır, çoxusu öz reputasiyasını və işinin keyfiyyətini düşünmədən, pul qazanmağın asan yolunu axtarırlar. Dərd çəkdiyi adamlardan, saxtakarlıqla qazanc əldə etmək halal deyil! Artıq çəkili insanlar üçün sizə sürətli şəkildə təsir verən pəhrizlərdən və mono-dietlərdən, detokslardan, marafonlardan və zərərli, tərkibi naməlum olan arıqladıcı vasitələrdən qəti şəkildə uzaq durmaq məsləhət görürəm!

- Oxucularımıza nə məsləhət görürsünüz?

- Sağlam qidalanın, hərəkətsiz qalmayın, zərərli vərdişlərdən uzaq durun, vaxtında həkimə müraciət edin,həmçinin profilaktik qaydada, hər hansısa narahatçılıq və ya şikayətiniz varsa, hər şeyi son ana buraxmayın, özünüzə və sağlamlığınıza dəyər verin, çünki siz sağlam olanda yaxınlarınız xoşbəxtdir və siz həyatın hər anından həzz ala bilərsiniz. Təəssüf ki, insanların çoxu yalnız itirdiyi zaman öz sağlamlığına dəyər verməyə başlayır. Ağrısız və narahatlıqsız keçən hər günün möcüzəsi üçün Allaha təbəssümlə şükür etmək lazımdır.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Heç vaxt ağlıma gəlməzdi ki,ölkəmizdə bu qədər endokrin xəstə var...əsasən şəkərli diabet,artıq çəkidən və piylənmədən əziyyət çəkən, endemik zonalara görə zob xəstələri tez-tez rastlaşır. Fikir versəniz, hər kəsin tanışı,dostu, qonuşusu və ya qohumu bu xəstəlikdən birindən əziyyət çəkir.
Böyük qonaq süfrəsində otursanız, həmişə endokrinoloqa ehtiyacı olan biri olacaq.
Məhz buna görə,endokrin xəstəliklərə görə irsi meylilik və risk amilləri mövcuddursa,vaxtı-vaxtında sağlamlığınızı yoxlamaq lazımdır!

Həkimlə Əlaqə :

Mobil: +994505053277(+ WhatsApp)
Instagram: @endocrinologist.lala
Facebook: Endocrinologist Lala
E-mail: [email protected]

скачать dle 10.6фильмы бесплатно