- Nuranə xanım, necə oldu ki, bu sahəyə gəldiniz?

- Uşaqlığıma dayanan bir yoldur. İnsanları müşahidə etmək, onları dinləmək hər zaman mənə xoş olan bir şey idi. 15 - 16 yaşlarımda sinif yoldaşlarım mənə zarafatla psixoloqum deyə müraciət edirdilər. Mən də bir gün özümə "niyə də olmasın "sualını verdim və araşdırmağa başladım. Baxdım ki psixoloq olmaq bir başa mənə aid bir sahədir.

- Artıq neçə ildir ki, bu sahədəsiniz?

- Artıq 9 ildir ki, psixoloq olaraq fəaliyyət göstərirəm

- İş prinsipiniz nədən ibarətdir?

- Dinləmək və faydalı ola bilmək. İnsan peşəsindən asılı olmayaraq hər zaman faydalı olmağı özünə borc bilməlidir.

- Öz sahəniz üzrə hansı isləri icra edirsiniz?

- Hazırda İstanbulda yaşayıram və burada fəaliyyət göstərirəm. Ancaq online olaraq həmvətənlərimə sosial mediya üzərindən xidmət göstərirəm.

- İnsanlar sizə daha çox nə ilə bağlı müraciət edirlər?

- Əsasən panik atak, həyəcan - təşviş pozuntusu, depresiya, xəyanət, özgüvənin formalaşması, özünü tanıma , özünü sevə bilmə ilə bağlı daha çox müraciətlər olur.

- Xarakter olaraq necə birisiniz?

- Əməksevər, vicdanlı və həssas biriyəm.

- Ailəlisinizmi?

- Xeyr, subayam.

- Bir psixoloq olaraq nəyə " yox " deyirsiniz?

- Şəxsi sərhədimi pozan və daxilimdə böyük diskomfort yaradan ünsiyyət və münasibətlərə "yox" deyirəm.

- Oxuculara nə məsləhət görürsünüz?

- Oxuculara məsləhətim budur ki, yaşamı yaşayaraq öyrənin. Həyatı, özünüzü tanımaq üçün hər zaman səy göstərin. Həyatı kor - koranə yaşamayın. Əgər həyatınızda hər hansı bir problem varsa, ona yapışıb qalmayın. Bu problem sizə aiddir, ancaq bununla bərabər həyatınızda olan gözəl şeylərində fərqində olun ki problemlərinizi həll etməyə gücünüz olsun.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Mən bu işi seçərkən ağlıma gəlməzdi ki, bu sahə üçün sən ömür boyu özünü inkişaf etdirməlisən. Oxumalısan, araşdırmalısan. Dünyada nə qədər insan varsa o qədər çox düşüncə, davranış , həyata baxış var. Bir fikri irəli sürmək üçün o qədər həssas sözləri seçməlisən ki, qarşında oturan insanın həm güvənini itirməyəsən, həm onun psixoloji halına zərər yetirməyəsən. Bu harmoniyanı qoruyub saxlamaq elə də asan bir şey deyilmiş.

Əlaqə nömrəsi (051) 599 99 30


скачать dle 10.6фильмы бесплатно