- Ləman xanım, necə oldu ki, bu sahəyə gəldiniz?

- Həmişə uşaqlara qarşı sevgim olub, ona görə də onların normal fərd kimi inkişaf edib cəmiyyətə qoşulmasını qarşıma məqsəd kimi qoymuşdum. Bu səbəbdən də bu sahəni seçdim. İşimi çox sevirəm.

- Artıq neçə ildir ki, bu sahədəsiniz?

- Artıq beş ildir ki, bu sahədə fəaliyyət göstərirəm.

- İş prinsipiniz nədən ibarətdir?

- Uşaqlara qarşı maksimum səbrli, diqqətli, sevgi və qayğı ilə yanaşmaq əsas iş prinsipimdir.

- Öz sahəniz üzrə hansı işləri icra edirsiniz?

- Bütün nitq qüsurlarının korreksiyası üzrə işləyirəm. Hal-hazırda ixtisasımla bağlı bu sahə üzrə təhsil alan tələbələr, loqopedlər həmçinin valideynlərin istifadəsi üçün yararlı olan dərs vəsaiti üzərində çalışıram.

- İnsanlar sizə daha çox nə ilə bağlı müraciət edirlər?

- Son zamanlar texnologiya vasitələrinin həddindən artıq istifadəsi nəticəsində eləcə də, pandemiya dövrünün özündən sonra yaratdığı fəsadları nəzərə alaraq “nitq ləngiməsi” diaqnozu ilə daha çox müraciət edirlər.

- Xarakter olaraq necə birisiniz?

- Xarakter olaraq məsuliyyətli, mehriban, gülərüz, ünsiyyətcil biriyəm.

- Ailəlisinizmi?

- Xeyr, subayam.

- Bir loqoped olaraq nəyə " yox " deyirsiniz?

- “Qeyri-ixtisasçılar”ın bu sahədə işləməsinə “yox” deyirəm.

- Oxuculara nə məsləhət görürsünüz?

- Oxuculara, eləcə də valideynlərə məsləhətim odur ki, mütəxəssis seçərkən onun təhsilini, nəticələrini, təhsilinin fəaliyyət göstərdiyi sahə ilə uyğunluğunu diqqətlə araşdırsınlar. Xüsusən qeyd etmək istərdim ki, valideynlər xüsusi qayğıya ehtiyacı olan övladlarını bu sahə üzrə təhsil almış peşəkar mütəxəssislərə etibar etsinlər

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Ağlıma gəlməzdi ki, ixtisaslaşdığım sahədə bu qədər çoxlu sayda yetəri təhsili olmayan təsadüfi insanlar fəaliyyət göstərir. Bir çox valideynlər bu vacib amili diqqətdən qaçırırlar.

Əlaqə nömrəsi: (051) 538 44 89





скачать dle 10.6фильмы бесплатно