- Nuranə xanım, necə oldu ki, psixoloq oldunuz?

- Uşaqlıqda “Sən həkim olacaqsan, böyüyəndə həkim olarsan” və s. kimi fikirlərin əhatəsində böyümüşəm. Lakin böyüdükcə gördüm ki, həkimlik mənin tam arzuladığım peşə deyil. O zamanlar psixologiya Azərbaycanda yeni inkişaf edirdi və psixoloqların həkim peşəsindəki kimi insanlara yardım etmək, onların səhhəti ilə bağlı müsbət dəyişikliklər yaratmaq səlahiyyəti olduğu üçün bu sahə diqqətimi çox çəkdi və qərara gəldim ki, psixoloq olacağam. Yaxşı ki, oldum. İşimi çox sevirəm.

- Artıq neçə ildir ki, bu sahədəsiniz?

- Artıq on ildir ki, bu sahədə fəaliyyət göstərirəm.

- İş prinsipiniz nədən ibarətdir?

- Dürüst və məsuliyyətli olmaq mənim iş prinsipimdir.

- Öz sahəniz üzrə hansı işləri görürsünüz?

- Psixologiyan elmi sürətlə inkişaf edir. Yeni terapiya üsulları yaranır. Mən də bu yenilikləri təqib və tətbiq etməyə çalışıram.

- Son zamanlarda sizə daha çox nə ilə bağlı müraciətlər olur?

- Valideynlər uşaqlardakı qorxular, özgüvənsizlik, diqqət dağınığlığı, hiperaktivlik və problemlərlə bağlı müraciət edirlər. Eyni zamanda, uşaqlarının zehni və əqli inkişafını yoxlatdırmaq istəyirlər. Özləri isə depressiya, aqressivlik, qərarsızlıq və s. məsələlərlə əlaqədar olaraq qəbulumuza yazılırlar.

- Xarakter olaraq necə birisiniz?

- Ətafımdakı insanlar mənim gözəl dinləyici olduğumu deyirlər. Səmimi, dəqiq, pozitiv və məqsədimə çatmağa çalışan biriyəm. Bir də ki, baş verən hadisələrə hər zaman yaxşı tərəfdən baxıram.

- Ailəlisinizmi?

- Bəli, ailəliyəm. İki qız övladım var.

- Bir psixoloq olaraq nəyə “yox” deyirsiniz?

- Mən insanlara “yox” sözünü deməyin çox gözəl bir davranış olduğu izah etməyə çalışıram. Şəxsən özüm də yerinə yetirə bilməyəciyim bir işi öhdəmə götürmürəm və qarşımdakını başqa mütəxəsssilərə yönləndirirəm.

- Oxuculara nə məsləhət görürsünüz?

- Məsləhət görürəm ki, öz seçimlərinə, öz qərarlarına kənardan müdaxilə olunmasına icazə verməsinlər. Öz doğruları və arzuları istiqamətində addımlasınlar. Bunu üçün də ən yaxşısını etməyə çalışsınlar.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Ağlıma gəlməzdi ki, insanların görünən və görünməyən tərəfləri var. Bu işlə məşğul olduqdan sonra insanların görünməyən tərəflərini açmaq mənə zövq verir.

Əlaqə nömrəsi: (051) 576 47 74

скачать dle 10.6фильмы бесплатно