- Elvira xanım, necə oldu ki, bu sahəyə gəldiniz?

- Bu sahəyə marağım orta məktəb illərimdən olub. O zamandan empayi və kömək etmək hissim güclü olub. Ona görə də, psixoloq olmaq qərarına gəldim.

- Artıq neçə ildir ki, bu sahədəsiniz?

- Artıq səkkiz ildir ki, bu sahədə fəaliyyət göstərirəm.

- İş prinsipiniz nədən ibarətdir?

- İnsanları dərindən anlamaq və problemlərinin həllində dəstək olmaq ən öndə olan missiyamızdır.

- Öz sahəniz üzrə hansı işləri icra edirsiniz?

- Uşaq, yeniyetmə və gənclərlə psixoterapevtik iş aparıram.

- Son zamanlarda sizə daha çox nə ilə bağlı müraciətlər olur?

- Uşaq və yeniyetmələrdə olan davranış pozuntularına görə daha çox müraciətlər olur.

- Xarakter olaraq necə birisiniz?

- Sakittəbiətli, təmkinli, prinsipial, işini sevən və ondan zövq alan biriyəm.

- Bir psixoloq olaraq nəyə “yox” deyirsiniz?

- Lazım olan bütün situasiyalarda, xoşuma gləməyən mövzulara “yox” deyirəm. Düçünürəm ki, insanın həyatda rahat yaşaması üçün əsas amillərdən biri də “yox” deməyi bacarmaqdır.

- Oxuculara nə məsləhət görürsünüz?

- Nə olursa, olsun, gördükləri işdən zövq alsınlar. Çünki zövq almaq, yaşamağın elə özüdür.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Ağlıma gəlməzdi ki, psixologiya elminə bu qədər tələbat olar. Oxuduğum illərdə bu sahə bir o qədər də inkişaf etməmişdi. Hal-hazırda isə cəmiyyətin bu elm haqqında düşüncələri kifayət qədər formalaşıb.
Əlaqə nömrəsi: (077) 460 83 53


скачать dle 10.6фильмы бесплатно