- Aynurə xanım, necə oldu ki, həkim oldunuz?

- Sözün düzü, mən bu sahəyə öz istəyimlə gəlməmişəm. Doqquzuncu sinifdə oxuyarkən rəhmətlik anam mənə dedi ki, səni ağ xalatda görmək istəyirəm. Anamın sözündən çıxmadəm və həkim oldum. Nə yaxşı ki, həkim oldum. İşimi çox sevirəm.

- Artıq neçə ildir ki, bu sahədəsiniz?

- Artıq 22 ildir ki, bu sahədə fəaliyyət göstərirəm.

- İş prinsipiniz nədən ibarətdir?

- İnsanlara sağlam gülüş bəxş etmək əsas iş prinsipimdir.

- Öz sahəniz üzrə hansı işləri icra edirsiniz?

- Ortodontiyadan başqa stomatologiyaya aid bütün prosedurları icra edirəm.

- Son zamanlarda bu sahədə sizi narahat edən nədir?

- Biz bu yerə gələnə qədər çox oxumuşuq, çox əziyyət çəkmişik. Hələ də oxuyuruq. Amma indi yerindən duran deyir ki, mən stomatoloqam. Bu hal məni çox narahat edir.

- Xarakter olaraq necə birisiniz?

- İnsanlara tez inanıram. Sadə və səmimi biriyəm.

- Ailəlisinizmi?

- Yoldaşım rəhmətə gedib, amma iki oğlum var. Onu da deyim ki, onlardan heç olmasa birinin mənim yolumu davam etdirməsini istərdim.

- Bir stomatoloq olaraq nəyə “yox” deyirsiniz?

- Bəzi həkimlərin öz ixtisasları ilə əlaqəsi olmayan sahələrə qol qoymaqlarına qəti surətdə “yox” deyirəm.

- Oxuculara nə məsləhət görürsünüz?

- Məsləhət görürəm ki, dişlə bağlı problemləri olduqda həkimə vaxtında müraciət etsinlər. Çünki vaxtında olunan müayinə və müalicə gələcəkdə yarana biləcək fəsadların qarşısının alınması deməkdir.

- Mən bu sahəyə gələrkən ağlıma gəlməzdi ki,.. Bu fikri özünüz tamamlayın, zəhmət olmasa.

- Ağlıma gəlməzdi ki, gördüyüm işlərin qarşılığını layiqincə almaram.

Əlaqə nömrsəsi: (055) 958 84 34
(070) 958 84 34












скачать dle 10.6фильмы бесплатно