- Aygün xanım, necə oldu ki, bu sahəyə?

- Bu sahəyə gəlməyimdə valideynlərimin böyük rolu oldu. Xüsusən də atam həkim olmağımı çox istəyirdi. Mən də onların arzusunu yerinə yetirdim və həkim oldum. Nə yaxşı ki, həkim oldum. İşimi çox sevirəm.

- Artıq neçə ildir ki, bu sahədəsiniz?

- Beş ildir ki, bu sahədə fəaliyyət göstərirəm.

- Öz sahəniz üzrə hansı işləri icra edirsiniz?

- Mən 0-18 yaş arası uşaqlarda olan, demək olar ki, bütün pediatrik- endikrinoloji-uşaq endokrin xəstəliklərin müayinəsi və müalicəsi ilə məşğul oluram.

- Son zamanlarda sizə daha çox hansı xəstəliklərlə bağlı müraciətlər olur?

- Son zamanlarda daha çox piylənmə ilə rastlaşırıq.

- İş prinsipiniz nədən ibarətdir?

- Çalışıram ki, pasientlərimlə xoş davranım. Onları ağ xalatla qorxutmayım. Əsas iş prinsipimiz bundan ibarətdir.

- Beynəlxalq konfranslarda iştirak edirsinizmi?

- Bəli, imkan tapdıqca mütəmadi olaraq iştirak edirəm.

- Bir həkim olaraq nəyə “yox” deyirsiniz?

- Uşaqların böyüklərə baxan həkimlərin yanına aparılmasına “yox” deyirəm. Çünki böyüklərlə uşaqlar arasında çox böyük fərqlər var.

- Xarakter olaraq necə birisiniz?

- Sadə və səmimi biriyəm (gülür).

- Valideynlərə nə məsləhət görürsünüz?

- Məsləhət görürəm ki, uşaqlarını mütəmadi olaraq yoxlanışa aparsınlar. Onların qidasına və çəkisinə nəzarət etsinlər.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Ağlıma gəlməzdi ki, pasientlərim bu qədər şirin-şəkər balalar olar.

Əlaqə nömrəsi: (050) 789 04 89

скачать dle 10.6фильмы бесплатно