- Aygün xanım, necə oldu ki, bu sahəyə gəldiniz?

- Mənim atam həkim idi. Özümü tanıyandan evdə hər kəs deyirdi ki, həkim olacaqsan. Nə yaxşı ki, həkim oldum. İşimi çox sevirəm.

- Artıq neçə ildir ki, bu sahədəsiniz?

- Artıq 10 ildir ki, bu sahədə fəaliyyət göstərirəm.

- İş prinsipiniz nədən ibarətdir?

- İşimdə ciddi və məsuliyyətli olmaq mənim əsas iş prinsipimdir.

- Öz sahəniz üzrə hansı işləri icra edirsiniz?

- Demək olar ki, ginekologiyaya aid bütün müayinə, müalicə və əməliyyatları icra edirəm. Amma ən sevdiyim isə ginekologiyada endikrinoloji problemlər və estetik ginekologiyadır.

- Sizə daha çox nə ilə bağlı müraciət edirlər?

- Daha çox sonsuzluq və endikrinoloji problemlərlə bağlı müraciətlər olunur.

- Xarakter olaraq necə birisiniz?

- Sakittəbiətli biriyəm. Çox da qaynayıb-qarışmıram. 15 ildən artıq Rusiyada tək yaşadığıma görə yalnızlığı sevirəm.

- Ailəlisinmiz?

- Xeyr, subayam. Həyatımı illərlə işimə sərf etmişəm.

- Bir ginekoloq olaraq nəyə “yox”deyirsiniz?

- Kimsə gəlib mənə sənətimi öyrədəndə, mənə göstəriş verəndə ona “yox” deyirəm.

- Oxuculara nə məsləhət görürsünüz?

- Bir həkim seçsinlər və onu dinləsinlər. Nə qədər həkim dəyişsəniz, bir o qədər də fikri eşidəcəksiniz.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Mən bu işi seçərkən ağlıma gəlməzdi ki, mənim məsləhətlərimə bir gün anam da qulaq asar, onlara əməl edər.

Əlaqə nömrəsi: (051) 321 88 89




скачать dle 10.6фильмы бесплатно