- Sevil xanım, necə oldu ki, bu sahəyə gəldiniz?

- Mənim ilk ixtisasım ibtidai sinif müəlliməliyidir. Bu ixtisasa ailəmin istəyi ilə yiyələndim. Amma hər zaman uşaqlarla işləmək mənə xüsusi zövq verirdi, onların dünyasını kəşf etmək, onlarla daha yaxından ünsiyyətdə olmaq istəyirdim. Bu sevgi məni uşaq psixologiyasına gətirib çıxardı.

- Artıq neçə ildir ki, bu sahədəsiniz?

- Artıq 4 ildir ki, bu sahədə çalışıram, çalışmaqla bərabər təlimlər almağa, xarici ölkələrdə tez-tez staj proqramları almağa davam edirəm.

- İş prinsipiniz nədən ibarətdir?

- Uşaqların ümumi inkişafını qiymətləndirmək, onların vaxt itirmədən inkişafını düzgün dəstəkləməkdir. Mən çox istərdim ki, bütün uşaqlarla işləyən mütəxəsislər uşaqların zamanını düzgün qiymətləndirsinlər. Onların keçən yaşlarının dəyərini valideynlərə dönə-dönə bildirsinlər.

- Öz sahəniz üzrə hansı işləri icra edirsiniz?

- İnkluziv uşaqların məktəbəqədər hazırlığı və ümumi inkişaf ləngiməsi göstərən uşaqlara bəzi proqramlar vasitəsilə dəstək oluram. Diqqət əksikliyi, yaddaş zəifliyi, davranış pozğunluğu və.s problemlərlə bağlı da işləyirəm.

- Sizə daha çox nə ilə bağlı müraciət edirlər?

- Mənə daha çox pedaqoji, psixoloji yöndən ləngiməsi olan uşaqlarla bağlı müraciət olunur.

- Xarakter olaraq necə birisiniz?

- Xarakter olaraq hər kəsi başa düşməyə çalışan, dinləməyi bacaran, sadə biriyəm.

- Ailəlisiniz?

- Bəli, ailəliyəm. İki qız övladım var.

- Oxuculara nə məsləhət görürsünüz?

- Oxuculara məsləhət görürəm ki, istər öz övladları istərsə də yaxınlarının övladlarının inkişafında fərqindəlik gördükləri zaman susmasınlar.Uşaqlar bizim gələcəyimizdir və gələcəyimizi bu gün düzgün böyüdək, daha diqqətli olaq onlara qarşı.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Mən bu işi seçərkən ağlıma gəlməzdi ki, bir çox uşağın həyatında ilk izləri qoya biləcəm. Çünki heç kim edəcəyi işin nəticəsini əvvəlcədən deyə bilməz.

Əlaqə nömrəsi: (055) 860 38 38






скачать dle 10.6фильмы бесплатно