- Sevinc xanım, nece oldu ki, bu sahəyə gəldiniz?

- Maraqlı və çox da cavabı olmayan bir sualdır. Nə var onu deyəcəyəm. 2007 ci ildə Türkiyəyə təhsil hələ yeni yeni inkişaf edirdi və orada demək olar ki, heç bir universiteti tanımırdım. Atamın tövsiyəsi ilə 2 universitetə baş vurdum. Bu universitetlərdə Psixologiya fakultetini özümə yaxın hiss etdim və bu bölümü seçdim. Yaxşı ki, seçmişəm.

- Artıq neçə ildir ki, bu sahədəsiniz?

- 2012 ci ildən fəaliyyətdəyəm. Ondan öncə bir çox xəstəxanalarda- Dövlət Sərhəd Xidməti Hospitalı, Mərkəzi Klinika Psixiatr Dr.İkram Rüstəmovun yanında bir müddət Praktikant Psixoloq olaraq çalışmışam. Daha sonra İstanbulda Özəl Bağçalarda , Göztepe Eğitim Araşdırma Hospitalında fəaliyyət göstərmişəm.
- 2014 cü ildə Uzmanlığı da müdafiə etdikdən sonra Bakıya qayıtdım. Bakıda Medera Hospitalda 5 il çox gözəl kollektivlə psixoloq, psixoterapevt olaraq fəaliyyət göstərdim. Halhazırda Meqapol klinikasında öz komandan ilə çalışıram.

- İs prinsipiniz nədən ibarətdir?

- Güvən, dürüstlük, gizlilikdir. Bizə müraciət edən danışan bizim dürüstlüyümüzə inanaraq, gizliliyin qorunduğunu bilərək güvənirlər. Güvən yarandıqdan sonra terapİya yolları su kimi axarlı olur və həll yolunu danışan tapır.

- Öz sahəniz üzrə hansı işləri icra edirsiniz?

- Hal-hazırda uşaq , yeniyətmə, yetişkin, ailələrdə olan bütün psixoloji problemlərdə dəstək oluruq. Mən və mənim köməkçi psixoloqlarımız sayəsində aşağıdakı problemlərdə danışanlara psixoloji xidmət göstəririk.
- Uşaq, yeniyetmələrdə davranış problemləri
- Diqqət Problemləri
- Təşviş Həyəcan Problemləri ( qorxu, panik atak, sosial fobiya, Məktəb həyəcanı)
- Yetişkinlərdə təşviş həyəcan problemləri ( Obsessiv Kompulsiv Pozuntu, Panik Pozuntu, Somatik Problemlər, Travma, Yas, Depressiya və s)
- Vaginizm- qadınlarda cinsi problemlər
- Ailə daxili emosional problemlər

Bununla yanaşı, 2015 ci ildən bu yana Psixoloqların inkişafi üçün mütəmadi təlimlər verib, praktikalar təşkil etmişik. Psixoloqların bilik və təcrübələrini artıraraq daha da Peşəkar işləməsinə dəstək olmuşuq. 2017 ci ildən xaricdən dünyanın ən tanınmış terapiyalarını Bakıya gətirərək mütəxəsislərin faydalanmasına dəstək olmuşam. Bu yolda mənə ilk dəstəyini verən mənim bakalavr müəlliməm Dr.Linda Fraima dərin təşəkkürümü bildirirəm.

Mənim üçün ən fəxrlisi də odur ki, müharibədən sonra 2000 dən çox Azərbaycanın bütün bölgələrində yaşayan, fəaliyyət göstərən psixoloqların müharibə travması, müharibədən sonra şəhid ailələri ilə iş, zərərçəkmiş insanlara sağlam psixoloji xidmətin göstərilməsi ilə bağlı Türkiyədən əməkdaşlıq etdiyim Sarı Psixoloji Psixoloji mərkəzinin dəstəyi ilə Türkiyə və Avropanın ən yaxşı 25 müəllim heyəti sayəsində 10 günlük Travma Psixologiyası Sempozyumu təşkil etmişik.
Bunun yanında Bölgələrdəki bir çox Psixoloqların Şəhid Ailələri ilə Psixoloji dəstəyin verilməsi ilə bağlı dəstək olmuşuq.

2021 ci ildən yerli , həm də xarici təlimlərlə yanaşı artıq Azərbaycan psixoloqlarının ölkə xaricində Türkiyənin İstanbul, Mersin, Ankara şəhərlərində Klinik Təkmilləşmə, Təcrübədən yararlanmaqlarına dəstək olduq.

- İnsanlar sizə daha çox nə ilə bağlı müraciət edirlər?

- Adətən daha çox təşviş həyəcan problemləri , əsəb pozuntusu, uşaqlarında Psixoloji problemlərlə bağlı, və eyni zamanda Ailə daxili Problemlərlə bağlı daha çox müraciət edirlər.

- Xarakter olaraq necə birisiniz?

- Rahat, disiplinli, hərəkətli, məqsədyönlü biriyəm.

- Bir psixoloq olaraq nəyə " yox " deyirsiniz?

- Emosional polarizasiyası olmayan evliliklərə yox deyirəm. Çünki sevə bilərsən, lakin gələcək həyat yoldaşın ilə qarşılıqlı ünsiyyətə girə bilmirsinizsə, problem və ya planlarınızı ifadə edib paylaşa bilmirsinizsə, həll yolunu birlikdə axtarmırsınızsa ozaman evləndikdən sonra çox problemlər ortaya çıxır. Bir Yetişkin hər zaman özünü ifadə etməyi bacarmalı, dinlənilməyi haqq etməlidir.

Psixoloji check updan keçirilməmiş bütün evliliyə "yox" deyirəm. cütlüklər mütləq evlənmədən öncə psixoloji müayinədən keçməlidir. Çünki fəsadları geri dönüşülməz olur.

- Oxuculara nə məsləhət görürsünüz?

- Zehinlərinə yatırım qoymaqlarını məsləhət görürəm.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Mən bu işi seçərkən ağlıma gəlməzdi ki, mən özümlə yanaşı bir çox həmkarlarımın inkişafına dəstək ola bilərəm.

Əlaqə nömrəsi: (070) 802 15 14











скачать dle 10.6фильмы бесплатно