- Humay xanım, necə oldu ki, həkim oldunuz?

- Bu sahəyə marağım uşaqlıq illərimdən olub. Atam da stomatoloqdur. Onun işlərini gördükcə stomatologiyanı sevdim və qərar gəldim ki, onun yolunu davam etdirim.

- Artıq neçə ildir ki, bu sahədəsiniz?

- Artıq altı ildir ki, bu sahədə fəaliyyət göstərirəm.

- Öz sahəniz üzrə hansı işləri icra edirsiniz?

- Stomatologiyanın, demək olar ki, bütün sahələri ilə məşğul oluram.

- İş prinsipiniz nədən ibarətdir?

- Mən daha çox estetik stomatologiyaya üstünlük verirəm. Çünki indi insanların əksəriyyəti estetikaya daha çox fikir verirlər.

- Hansı üsullarla çalışırsınız?

- Biz ən müasir texnika və avadanlıqlarla çalışırıq. Çalışırıq ki, pasientlər bizdən hər bir halda məmnun qalsınlar.

- Beynəlxalq seminarlarda, konfranslarda iştirak edirsinizmi?

- Bəli, bir çox tanınmış xarici həkimlərin seminarlarında iştirak edib bu işin incəliklərini öyrənmişəm.

- Bir stomatoloq olaraq nəyə "yox" deyirsiniz?

- Dişlərə edilən lazımsız müdaxilələrə birmənalı olaraq "yox" deyirəm.

- Xarakter olaraq necə birisiniz?

- Xarakter olaraq mülayim, işimdə isə ciddi biriyəm.

- Tələbələriniz varmı?

- Hələ yoxdur. Amma gələcəkdə tələbə götürmək fikrim var.

- Oxuculara nə məsləhət görürsünüz?

- Məsləhət görürəm ki, dişlərini qorusunlar. Hər altı aydan bir proflaktik müayinələrə getsinlər. Çünki vaxtında oluna müdaxilə gələcəkdə yarana biləcək fəsadların qarşısının alınması deməkdir.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Ağlıma gəlməzdi ki, belə çətin və məsuliyyətli iş seçərəm. Amma nə yaxşı ki, seçmişəm. Millətimizin sağlamlığının qayğısına qalmaqdan qürur duyuram.

Əlaqə nömrəsi: (055) 824 62 62



скачать dle 10.6фильмы бесплатно