- Aytəkin xanım, necə oldu ki, həkim oldunuz?

- Həkim peşəsi lap uşaglıqdan mənim üçün şərəfli peşə olub. "Ağ xalatlı xilasedicilər" kimi görürdüm həkimləri. Müəllimlərim və ailəmin də bu seçimi etməmdə rolu böyükdür.

- Artıq necə ildir ki, bu sahədəsiniz?

- Artıq 5 ildir ki, bu sahədəyəm. Universiteti fərqlənmə ilə bitirib, rezidenturaya qəbul olmuşam. Pediatriya düşündüyümdən də geniş, dərin sahədir. 0-18 yaş arası pasientləri əhatə etsə də, əksərən 10 yaş altı xəstələr daha çoxluq təşkil edir. Onların şirin söhbətləri işin ən gözəl tərəflərindən biridir.

- İş prinsipiniz nədən ibarətdir?

- Məncə bir insanın ümidi olmaq, onu sağlamlığına qovuşdurduqdan sonrakı məmnuniyyət hissini heç bir şey əvəz edə bilməz. Hər bir həkimin iş prinsipi fərqli olsa da ilk öncəlik xəstənin düzgün müalicə ilə sağalmasına yönəlməlidir deyə düşünürəm.

- Öz sahəniz üzrə hansı işləri icra edirsiniz?

- Öz sahəm üzrə bütün işləri icra edirəm. Lakin bununla kifayətlənməyib, yeni tədqiqatların hər birini izləyir, elmi konfranslarda iştirak etməyi özümə borc bilirəm. Çünki tibb elmi daim yeniliklərlə doludur. Buna görə də bir həkim həmişə öz üzərində işləyib, özünü təkmilləşdirməlidir.

- İnsanlar sizə daha çox ilə bağlı müraciət edirlə?

- İnsanlar daha çox iştahasızlıq, yuxarı tənəffüs yollarının infeksiyası, diareya, ishal şikayətləri ilə müraciət edirlər. Uşaqlar baxça, məktəb kimi kollektiv ortamlarda daha çox olduqları üçün yoluxucu xəstəliklər əksəriyyət təşkil edir.

- Xarakter olaraq necə birisiniz?

- Xarakter olaraq mehriban, zarafatcıl, açıq sözlü və realist biriyəm. Uşaqlarla asanlıqla dil tapıb yola gedirik.

- Ailəlisinizmi?

- Bəli, ailəliyəm. Şirin bir oğlum var - Xəlilim. Allah hamıya övladını sağlam, xöşbəxt böyütməyi qismət eləsin.

- Bir həkim olaraq nəyə "yox" deyirsiniz?

- Bir həkim olaraq "yox" dediyim şey: İnsanların kortəbii şəkildə, qohum, qonşu, tv, aptek, internetdən əldə elədiyi hər hansı məlumata əsasən özbaşına müalicəyə başlamasıdır. Bu mənim ən yaralı yerimdir.

- Oxuculara nə məsləhət görürsünüz?

- Məsləhət görürəm ki, istər uşaq, istər böyük olsun nəsə xoşagəlməz əlamət və ya narahatlıq, xəstəlik başlayıbsa ilk olaraq həkimə müraciət edilməlidir. Əsassız müalicə gözlənilməyən ağırlaşmalara da səbəb ola bilər. İkincisi: Hər bir insan sağlamlığının Allah tərəfdən ona verilmiş ən böyük mükafat olduğunu dərk edib onun qayğısına qalmalıdır. Zərərli vərdişlər, gərəksiz stress, əsəbdən uzaq olmaq lazımdır.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Mən bu işi seçərkən ağlıma gəlməzdi ki, (bəlkə də təkrarçılığa yol vermiş olacam) bəzi insanlar az əvvəl dediyim kimi ətrafdan eşitdiyi hər hansı məlumata əsasən müalicəyə başlayır. (Kiçik bir hadisə danışım. Bazar günü səhər bir xəstənin zənginə cavab verirəm. Salam Doktor uşaq hələ sağalmayıb, hətta daha pis öskürür, ağırlaşıb. Mən təəccübləndim ki, necə yəni ağırlaşıb? Soruşdum ki, müalicəni 1 həftədir edirsiz hələ düzəlmə yoxdur? Ola bilməz. Və mənə cavab olaraq valideyn dedi ki, yox müalicəyə hələ başlamamışıq. Fikirləşdik keçib gedər. Ama indi ağırlaşıb, reseptdə yazdıqlarınızdan hansı daha vacibdirsə onu alım? Bu hadisə yadımdan çıxmır. Və çox təəssüf ki, mən, eləcə də həmkarlarım dəfələrlə bu əsassız, düzgün getməyən müalicənin nəticəsində xəstəliyin ağırlaşması ilə rastlaşırıq. Bu isə həm xəstə, həm valideyn üçün çox ağırdır. İnsan üçün övladının sağlığından önəmli heç bir şey yoxdur. Amma bəzən insanlar özləri də bilmədən buna çox soyuqqanlı yanaşır. Ümid edirəm ki, gələcəkdə belə hallarla daha az qarşılaşarıq.

Əlaqə nömrəsi: (050) 303 81 11

İnstagram: @dr.aytekin_xelil



скачать dle 10.6фильмы бесплатно