- Vüsalə xanım, necə oldu ki, bu sahəyə gəldiniz?

- Mənim ilk təhsilim filologiya olub və çox sevdiyim bir sahə idi. Azərbaycan dilçiliyinin dərinliklərinə qədər sahiblənmiş olsam da, bu sahə üzrə işləməmişəm.
Psixoloqiya isə ikinci təhsilimdir. Filologiya tərəfindən itirilmiş olsam da, psixologiya tərəfindən qazanılmışlardanam deyilənə görə... Hal-hazırda ailə psixoloqu olaraq fəaliyyət göstərirəm və məsləyimə məftunam.

- Öz sahəniz üzrə hansı işləri icra edirsiniz?

- Daha çox ailə və cütlük münasibətlərində yaranmış olan " böhranlar" və onların aradan hansı sağlıqlı yollarla qaldırılması üzərində işləyirəm. Boşanma qərarı ılə müraciət edən çox sayda ailələr var, onlar da əslində boşanmaq istəmədiklərini müəyyən fərqindəlikləri qazandıqca anlayır və tərəflər öz rusal inkişafı üzərində işləməyə başlayır. Bəli, zaman alır bu proses, fəqət çox qənaətbəxş nəticələr alırıq. Zatən boşanmaq istəyi olan heç bir ailə psixoloqa müraciət etməz, bu bir çırpınışdır. Seanslar zamanı cütlüklərin kompromisə getmə alışqanlığını təmin edirik. Bir ailədə "sən" , "mən" deyil , "biz" demək bacarığı formalaşdıqca böhranın şiddəti də azalır.

- İş prinsipiniz nədən ibarətdir?

- Bilirsiniz, ailə mürəkkəb bir sistemdir və bu sistemdə balansı qorumaq tək tərəfin məsuliyyəti deyil. Cütlüklərlə həm eyni anda, həm fərdi olaraq konsultasiyalar olur. Çünki hər bölgənin mifi olduğu kimi, ailələrin də fərqli mifləri var. Fərdlər ayrı-ayrılıqda fərqli mədəniyyət və adət-ənənəyə sahib ailələrdə böyüyüb başa çatdıqları üçün ünsiyyətdə bəzi anlaşılmazlıqlar olur. Alt yatan dinamiklər araşdırılır, göstərilir, baxış müstəvisi dəyişdikcə yüksək və ürəkaçan nəticələr əldə olunur.

- Sizə başqa hansı problemlərlə bağlı müraciətlər olur?

- Müxtəlif növ şikayətlərlə müraciətlər olur. Məsələn: Depressiya, həyacan - təşviş pozuntuları, ippoxandriya , obsessiv düşüncələr , yeniyetməlik və ailə böhranları və bir çox problemləri sadalamaq olar.

- Ailəlisinizmi?

- Bəli. Üç oğul payım var .Allah bütün balaları qorusun!

- Bir mütəxəssis olaraq nəyə "yox" deyirsiniz?

- Qadına psixoloji basqı göstərərək yetərsizlik duyğusunu formalaşdırmağa "yox" deyirəm. Qadın incə, zərif olduğu qədər də, güclü ruha sahibdir.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Maraqlı sualdır. Mən bu işi seçərkən ağlıma gəlməzdi ki, bu qədər insanın sevgiylə, hörmətlə müraciət edəcəyi bir ümid qapısı olacaq, bir çox ailənin dağılmamasına vəsilə olacağam. Bunu düşünmək belə çox xoşbəxt hiss etdirir.

Əlaqə nömrəsi: (055) 732 58 57скачать dle 10.6фильмы бесплатно