- Rahşan xanım, necə oldu ki, həkim oldunuz?

- Həkim olmaq uşaqlıq arzum olub. Pediatriyanı seçməyimin əsas səbəbi isə uşaqlara olan sevgimdən və bu yolun uzum bir yol olduğundan irəli gəldi.

- Artıq neçə ildir ki, bu sahədəsiniz?

- Artıq səkkiz ildir ki, bu sahədə fəaliyyət göstərirəm.

- Öz sahəniz üzrə hansı işləri icra edirsiniz?

- On səkkiz yaşa qədər bütün uşaqların, demək olar ki, bütün xəstəliklərini müayinə və müalicə edirəm.

- Son zamanlarda daha çox hansı problemlərlə qarşılaşırsınız?

- Mövsümlə əlaqədar olaraq allergik xəstəliklərə daha çox rast gəlirik.

- Xarakter olaraq necə birisiniz?

- Pasientlərlə çox yaxın ünsiyyət quran bir insanam. Onlarə həmişə nəzarətdə saxlayıram.

- Bir pediatr olaraq nəyə "yox" deyirsiniz?

- Tütündən və spirtli içkilərdən istifadəyə qəti sürətdə "yox" deyirəm. Bu, mənim ən həssas yerimdir.

- Bu sahədə görmək istədiyiniz, amma görə bilmədiyiniz məqamlar hansılardır?

- Uşaqlara şəkərin qadağan edilməsini istərdim.

- Ailəlisinizmi?

- Bəli, ailəliyəm.

- Oxuculara nə məsləhət görürsünüz?

- Məsləhət görürəm ki, valideynlər uşaqlarının düzgün qidalanmasına fikir versinlər. Həkimə düşmədən, bu işin üstünə düşsünlər. Bir də ki, uşaqlarını mütəmadi olaraq həkim müayinəsindən keçirtsinlər.

[b]- Mən bu işi seçərkən ağlıma gəlməzdi ki.. Bu fikri özünüz tamamlayın, zəhmət olmasa.

- Ağlıma gəlməzdi ki, bizim illər boyu canla-başla çalışaraq məhv etdiyimiz, dünyadan sildiyimiz xəstəliklər peyvəndə qarşı olanların ucbatından yenidən baş qaldırar. Amma gec deyil. Gəlin, bir olaq, uşaqlara peyvənd vurduraraq onları xəstəliklərdəm qoruyaq.

Əlaqə nömrəsi: (051) 506 98 92