- Züleyxa xanım, uşaq sözü sizin üçün nə deməkdir?

- Mən uşaqları həddən artıq çox istəyirəm. Uşaq səni sevirsə, bu dünyadakı ən saf, ən sağlam sevgidir, çünki uşaq sevərkən sənin varlı və ya kasıb olman, arıq və ya kök, gözəl və ya çirkin olmana, kişi və ya qadın olmağına baxmazlar. Onları maraqlandıran sənin sevgin və onunla bugün oyun oynayıb-oynamamağındır. O sevginin artıb azalması da elə bundan aslıdır, digər mövzularla maraqlanmazlar.

- Uşaqlarla işləmək sizin üçün necə hissdir?

- Ətrafımda və ailəm düşünür ki, çox stresli işim var və mən yoruluram. Lakin mən işləyərkən xüsusən uşaqlarla işləyərkən çox xoşbəxt oluram, onlara nəyisə öyrətmək və onların gözlərinin içində o sevgini görmək mənə bütün hər şeyi unutdurur.

- Uşaqlarla məşğul olmağın asan və çətin tərəfləri hansılardır?

- Asan tərəfi odur ki, mən uşaqlarla tez münasibət qura bilirəm. Çətin tərəfi isə heç kim inciməsin, valideynlərlə işləməkdir. Valideynləri də başa düşürəm,onlar valideyn olmaqla yanaşı digər vəzifələri və məsuliyyətləri var.

- İndiki uşaqlarda görmək istədiyiniz, amma görə bilmədiyiniz nələrdir?

- Çox illər öncəsinə getmirəm, biz uşaq olarkən evdə problem olduğunu bilməzdik, bizim yanımızda heç bir problem və ya söz-söhbət olmazdı, hətta marketdən belə nə alınardı evdə nə çatırdı,nə çatmırdı xəbərimiz olmazdı.

Bir də qayda idi yatma saatları, yemək yemə zamanı rejim kimi olurdu. Dostlarınızla çoxlu oyun oynayardıq, çağrılan anda yadımıza düşərdi evə getmək.
Indi də istərdim elə olsun, çox təəsüf ki, ailələrin çoxu buna diqqət etmir, uşaq hər şeyi eşidir, hər şeyin şahidi olur, bütün problemlərdə burdan başlayır.

- Uşaq günü ilə bağlı uşaqlara nə demək istərdiniz?

- Sizi çox sevirəm və bugün sizin bayramınız olduğu üçün bugünü ən yaxşı halda başa vurmağa çalışın. Sadəcə uşaqlara yox, bütün uşaq ruhlu insanlara xoşbəxt olmağa hər zaman ən az bir səbəbiniz olsun demək istərdim. Yaşamı mənalı etmək istəyirsinizsə, uşaqlara baxın və enerjili olun, gülümsəyin.

Ruhu və özü uşaq olanlar, bayramınız mübarək!

Əlaqə nömrəsi: (055) 774 50 53

İnstagram : psixoloq_life_coach (ZuleyKha Askeri)


скачать dle 10.6фильмы бесплатно