- Fəridə xanım, necə oldu ki, həkim oldunuz?

- Bizim nəslimizdə həkim çoxdur. Buna görə də, özümü dərk etdiyim gündən həkim olmaq istəmişəm.

- Artıq neçə ildir ki, bu sahədəsiniz?

- Artıq 15 ildir ki, bu sahədə faəliyyət göstərirəm.

- Öz sahəniz üzrə hansı işləri icra edirsiniz?

- Mən ultrasəs müayinəsi ilə məşğulam. Son zamanlarda buna rentgen-mammoqrafiyanı da əlavə etmişəm. Yəni ki, mammoloq-radioloq kimi fəaliyyət göstərirəm.

- Son zamanlarda pasientlər sizə daha çox nə ilə bağlı müraciət edirlər?

- Daha çox pandemiyanın fəsadları ilə bağlı müraciətlər olur.

- İş prinsipiniz nədən ibarətdir?

- Pasientlərin razı getməsi üçün əlimdən gələn hər şeyi edirəm. Əsas iş prinsipim budur.

- Beynəlxalq kurslarda iştirak edirsinizmi?

- Bəli, mən hər il xarici ölkələrdə müxtəlif təkmilləşmə kurslarında iştirak edirəm.

- Xarakter olaraq necə birisiniz?

- Deyilənə görə, çox ailəcanlı biriyəm.

- Ailəlisinizmi?

- Bəli, ailəliyəm. Üç övladım var.

- Bir həkim olaraq nəyə "yox" deyirsiniz?

- Pasientin xeyrinə olmayan hər bir şeyə qəti sürətdə "yox" deyirəm. Bəzi həkimlər öz ixtiaslarına aid olmayan işlərlə məşğul olurlar. Buna da "yox" deyirəm.

- Nədən qorxursunuz?

- Sizi inandırım ki, həkimlərin özləri də həkimə getməkdən qorxurlar (gülür).

- Oxuculara nə məsləhət görürsünüz?

- Məsləhət görürəm ki, öz sağlamlıqlarının qədrini bilsinlər və həkimə vaxtında müraciət etsinlər.

Əlaqə nömrəsi: (050) 389 66 46






скачать dle 10.6фильмы бесплатно