- Aygün xanım, necə oldu ki, bu sahəyə gəldiniz?

- Bu sahəyə gəlməyim sağlam qidalanmaya olan marağım, özümün belə kilo problemi yaşamağımdan irəli gəldi.

- Artıq neçə ildir ki, bu sahədəsiniz?

- İllərlə bu işlə maraqlanıb araşdırırdım. İş fəaliyyətimə idə iki ildir başlamışam.

- İş prinsipiniz nədən ibarətdir?

- İş prinsipim kilo problemi olan insanlara kömək etmək, əsasən də xanımlara sağlam düzgün qidalanmağı aşılamaqdan və xroniki xəstələrə də müalicəvi qidalanma ilə kömək etməkdən ibarətdir.

- Öz sahəniz üzrə hansı işləri icra edirsiniz?

- Nutrisioloq olaraq düzgün faydalı qidalanmağı təmin edirəm. Dietoloq olaraq çəki problemləri olanlara köməklik edirəm və xəstəliklərlə bağlı müalicəvi qidalanma tətbiq edirəm. Bir də ki, süd verən analara, hamilə xanımlara düzgün, sağlam qidalanma planı tərtib edirəm.

- İnsanlar son zamanlarda sizə daha çox nə ilə bağlı müraciət edirlər?

- Daha çox xanımlarımız çəki artıqlığı ilə, hamiləlik sonrası aldıqları çəki ilə bağlı müraciət edirlər.

- Xarakter olaraq necə birisiniz?

- Xarakter olaraq mülayim, sakittəbiətli biriyəm. Belə olmağımı işim də tələb edir.

- Ailəlisinizmi?

- Bəli, ailəliyəm. İki qızım var.

- Öz sahəniz üzrə nəyə "yox" deyirsiniz?

- İnsanların yalnış qidalanmaqlarına "yox" deyirəm.

- Oxuculara nə məsləhət görürsünüz?

- İş fəaliyyətimdə minlərlə xanımla görüşmüşəm, onlara köməklik göstərmişəm. Bir çoxunda da öz çəkisinə qarşı həssaslıq, ətrafın onlara qarşı manipulyasiyası, psixoloji təsiri olub. Oxuculara məsləhət görürəm ki, özünüzü necə sevirsinizsə, o bədəndə olun. Ətrafın sizi qınaq obyektinə çevirməsinə icazə verməyin. Bunu özünüz üçün edin.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Ağlıma gəlməzdi ki, insanlar bu qədər çəki problemi yaşayar və qidalar haqqında belə dərin elm olar.

Əlaqə nömrəsi: (055) 755 72 23




скачать dle 10.6фильмы бесплатно