-Xəyalə xanım,necə oldu ki,bu sahəyə gəldiniz?

- Orta məktəbdə oxuduğum zaman bir müəllimimiz vardı,ingilis dili tədris edirdi.Hər dərs psixologiyadan danışırdı.O zamanlar bir çox şeyləri anlamasamda onun mənə verdiyi "Ümumi psixologiya"kitabı oxuduğum ilk psixoloji kitab idi.Və beləcə psixoloq olmağa qərar verdim.

- Artıq neçə ildir ki, bu sahədəsiz?

- Demək olar ki, 14-15ildi bu sahədəyəm.Və işimi çox sevirəm.

-İş prinsipiniz nədən ibarətdir?

- Dəqiq,vicdanlı olmaq, daima inkişaf mənim iş prinsiplərimdir.

- Öz sahəniz üzrə hansı işləri icra edirsiniz?

- Son 9 ildir ki"Reabilitasiya"işini görürəm. Nevroloji problemləri,xüsusi diaqnozu (autizm,əqli geri, psixoloji inkişaf ləngiməsi,daun,disleksiya, davranış pozuntuları və.s) olan uşaqlarla və yeniyetmələrlə, eləcə də onların ailələri ilə seanslar icra edirəm .Təbii ki, zamanım olduqca müxtəlif yaşda olan pasiyentlərdə qəbul edirəm.

- İnsanlar sizə ən çox nə ilə bağlı müraciət edirlər?

- Hər bir sahənin öz həkimi var.Biz psixoloqlar da insanları dinləyərək, anlayaraq, doğru düşüncələr yaratmağ üçün fərqli metodlar istifadə edərək onlara kömək edirik .

-Bir psixoloq olaraq nəyə"yox"deyirsiz?

- Pis vərdişlərə, 21-ci əsrdə qız uşaqlarına təhsil vermək yerinə, erkən evliliyə məcbur edilmələrinə "yox" deyirəm.

- Oxuculara nə məsləhət görürsünüz?

- Çox kitab oxusunlar və səyahət etsinlər. Öz inkişaflarına görə daima axtarışda olsunlar.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

-Mən bu işi seçərkən ağlıma gəlməzdi ki, insanların həyatını dəyişə biləcək qədər yaxın olacam və onların həyatlarına toxunacam.

P.S Bu gün Beynəlxalq Psixoloqlar günüdür Bu münasibətlə bütün həmkarlarımı təbrik edirəm.Bayraminiz Mübarək!

Əlaqə nömrəsi: (055) 884 81 98


скачать dle 10.6фильмы бесплатно