- Qiyafət xanım, necə oldu ki, həkim oldunuz?

- Mən həm öz istəyimlə, həm də valideynlərimin məsləhəti ilə bu sahəyə gəldim.

- Niyə məhz pediatriyanı seçdiniz?

- Uşaqları çox sevirəm. Onlarla işləmək mənə zövq verir. Ona görə də pediatr oldum

- Artıq neçə ildir ki, bu sahədəsiniz?

- Artıq on dörd ildir ki, bu sahədə fəaliyyət gösərirəm.

- Öz sahəniz üzrə hansı işləri görürsünüz?

- Mən əslində pediatram. Amma dörd ilə yaxın xarici mütəxəssisdən kariologiyanı da öyərndim. Avropa pediar-kardioloqlar cəmiyyətinin üzvüyəm. Hal-hazırda həm pediatr, həm də kardioloq olaraq-fəaliyyət göstərirəm. Onu da qeyd edim ki, bu sahə üzrə indi elmi iş üzərində işləyirəm.

- İş prinsipiniz nədən ibarədir?

- Mənim üçün dəqiqlik və məsuliyyət əsasdır. Hər bir uşağa öz övladım kimi yanaşıram. Əsas iş prinsipim budur. Bir də ki, dörd xarici dildə sərbəst danışıram və tibbi fərqli dillərdə daima kəşf edirəm.

- Xarakter olaraq necə birisiniz?

- Dedi-qodunu sevmirəm və düzgünlük tərəfdarıyam. Özümə qarşı hər hansı bir haqsızlıqla qətiyyən barışmıram.

- Son zamanlarda sizə daha çox hansı problemlərlə bağlı müraciət edirlər?

- İndi ən çox müşahidə olunan xəstəliklər qohum evliliklərindən yaranan xəstəliklərdir. Bu məslədə valideynlər maariflənməlidirlər və hər bir valideyn uşaq ana bətninə düşdükdən sonra öz həyat tərzinə və rejiminə düzgün riayət etməlidir.

- Ailəlisinizmi?

- Bəli, ailəliyəm.

- Oxuculara nə məsləhət görürsünüz?

- İstərdim ki, səhiyyə sahəsində təhsilimiz daha da mükəmməl olsun. Tələbələr üçün xarici ölkələrdə vaxtaşırı kurslar və konfranslar təşkil edilsə, yaxşı olar.

- Bir həkim olaraq nəyə "yox" deyirsiniz?

- Pasienti görmədən ona telefonla müalicə yazmağa və həkim məsləhəti olmadan dərman preparatlarından istifadə edilməsinə "yox" deyirəm.

- Valideynlərə nə məsləhət görürsünüz?

- Öz övladlarına qarşı diqqətli olsunlar və övladlarını mütəmadi olaraq müayinəyə aparsınlar.

- Mən bu sahəni seçərkən ağlıma gəlməzdi ki,.. Bu fikri özünüz tamalayın, zəhmət olmasa.

- Ağlıma gəlməzdi ki, uşaqlardakı bəzi xəstəliklərin ağırlaşmış formasını görəndə "niyə həkim oldum?!", deyim. Çünki həmin an o "mənəvi əzabı" daşımaq çətin olur. Amma uşaqların gözündə bir parıltı, bir sevinc gördükdə "nə yaxşı ki, həkim oldum", deyirəm.

Əlaqə nömrəsi: (050) 516 71 21


скачать dle 10.6фильмы бесплатно