- Aytac xanım, necə oldu ki, həkim oldunuz?

- Həkim olmaq mənim uşaqlıq arzum olub. Atam da oftalmoloq olub. Həm də fikirləşdim ki, mən də onun yolunu davam etdirsəm, yaxşı olar. Beləliklə də həkim oldum.

- Artıq neçə ildir ki, bu sahədəsiniz?

- Artıq 15 ildir ki, bu sahədə faəliyyət göstərirəm.

- Öz sahəniz üzrə hansı işləri icra edirsiniz?

- Biz pasientləri müayinə və müalicə edirik. Əməliyyata göstəriş olarsa, əməliyyata alırıq.

- Son zamanlarda pasientlər sizə daha çox nə ilə bağlı müraciət edirlər?

- Daha çox görmə zəifliyi ilə bağlı müraciətlər olur. Bunun da kökündə müasir texnologiyadan həddindən çox istifadə halları dayanır.

- İş prinsipiniz nədən ibarətdir?

- Pasientlərə dəqiq diaqnoz qoymaq və onlarla mütəmadi olaraq maraqlanmaq əsas iş prinsipimdir.

- Xarakter olaraq necə birisiniz?

- Sadə və səmimi bir insanam. Hər kəslə yola getməyi bacaran biriyəm.

- Ailəlisinizmi?

- Bəli, ailəliyəm. Üç övladım var.

- Bir həkim olaraq nəyə "yox" deyirsiniz?

- Pasientin xeyrinə olmayan hər bir şeyə qəti sürətdə "yox" deyirəm.

- Həkim olmasa idiniz, hansı sahədə çalışardınız?

- Yenə də həkim olardım. Amma ya stomatologiya, ya da kosmetologiya sahəsini seçərdim.

- Oxuculara nə məsləhət görürsünüz?

- Göz çox vacib bir orqandır. Gözlər vaxtında müayinə olunmalıdır. Çünki vaxtında olunan müayinə və müdaxilə gələcəkdı yarana biləcək fəsadların qarşısının öncədən alınması deməkdir.

- Mən həkim andı içərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Ağlıma gəlməzdi ki, məni bu qədər çətin bir yol gözləyər.



Əlaqə nömrəsi: (051) 702 84 30скачать dle 10.6фильмы бесплатно