- Xəyalə xanım, necə oldu ki, həkim oldunuz?

- Mənim əmim də həkimdir. Ona baxıb mən də həvəsləndim, tibb sahəsi diqqətimi çəkdi və qərara gəldim ki, həkim olacağam.

- Artıq neçə ildir ki, bu sahədəsiniz?

- Artıq on beş ildir ki, bu sahədə fəaliyyət göstərirəm.

- Öz sahəniz üzrə hansı işlər icra edirsiniz?

- Mən Tibb Universitetinin müalicə-proflaktika fakültəsini bitirmişəm. Hal-hazırda kosmetoloq kimi çalışıram. Öz sahəm üzrə bir çox inyeksiyon ( üz dərisinin gəncləşməsi, saç tökülməsinin qarşısının alınması və s. kimi) prosedurlar icra edirəm.

- Xanımlar son zamanlarda sizə daha çox nə ilə bağlı müraciət edirlər?

- Daha çox üz dərisinin sallanması ilə bağlı müraciətlər olur.

- İş prinsipiniz nədən ibarətdir?

- Dürüstlük və pasientə zərər verməmək mənim əsas iş prinsipimdir.

- Xarakter olaraq necə birisiniz?

- Pozitiv və əyləncəni sevən biriyəm.

- Ailəlisinizmiz?

- Xeyr, subayam.

- Bir kosmetoloq olaraq nəyə "yox" deyirsiniz?

- Burun dolğularına "yox" deyirəm. Özüm də icra etmirəm. Çünki burun dolğularının yan təsirləri çoxdur. Heç bir kosmetoloq tənəffüs yollarında olan problemi aradan qaldıra bilməz. Bu, cərrahların işidir.

- Son zamanlarda xanımların əksəriyyəti vizual olaraq bir-birinə oxşamağa başlayıblar. Bunu nə ilə əlaqələndirirsiniz?

- Sizinlə razıyam. Amma mənim pasientlərim bir-birinə bənzəmir. Çünki mən hər zaman onlara öz məsləhətlərimi verirəm.

- Xanımlara nə məsləhət görürsünüz?

- Məsləhət görürəm ki, kosmetoloqlara vaxtında müraciət etsinlər və istifadə etdikləri preparatları yaxşı-yaxşı araşdırsınlar. Naməlum preparatları ucuz olduğuna görə istifadə etməsinlər. Naməlum preparatlari ucuzdur deyene istifade etmesinler. İstifade olunan preparatlarin adını, istehsal olunduğu ölkəni kosmetoloqdan mütləq soruşsunlar.

- Mən bu sahəni seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Ağlıma gəlməzdi ki, heç orta məktəbi bitirməyən bəzi şəxslər özlərini "həkim" adlandırarlar.

Əlaqə nömrəsi: (070) 849 12 07скачать dle 10.6фильмы бесплатно