- Aysel xanım, necə oldu ki, həkim oldunuz?

- Mənim valideynlərim də həkimdir. Üç yaşım olarkən anamın həkim xalatını geyinib gəzirdim ki, mən də həkim olacağam. Nəhayət, öz arzuma çatdım və bu sahəyə gəldim.

- Artıq neçə ildir ki, bu sahədəsiniz?

- On ildir ki, bu sahədə fəaliyyət göstərirəm.

- İş prinsipiniz nədən ibarətdir?

- Pasientlərin gözlərini müayinə etmək və düzgün müalicə üsulu seçmək əsas iş prinsipimdir. Bir də ki, işimi çox sevdiyim üçün hər bir pasientə öz doğmam kimi yanaşıram.

- Öz sahəniz üzrə hansı işləri icra edirsiniz?

- Gözün ön və arxa hissəsinin müayinəsi ilə məşğul oluram.

- Xarakter olaraq necə birisiniz?

- Düzgünlüyün tərəfdarıyam və sakit təbiətli biriyəm.

- Ailəlisinizmi?

- Bəli, ailəliyəm. İki övladım var.

- Bir həkim olaraq nəyə "yox" deyirsiniz?

- İnsanların sağlamlığına, səhhətinə zərər yetirəcək hər bir şeyə "yox" deyirəm.

- Oxuculara nə məsləhət görürsünüz?

- Oxuculara çoxlu kitab oxuyub, maariflənmək və məqsədə çatmağı məsləhət görürəm.

- Mən həkim andı seçərkən ağlıma gəlməzdi ki,.. Bu fikri özünüz tamalayın, zəhmət olmasa.

- Həkim andı müqəddəs anddır və bunlardan ibarətdir: Peşəndə dürüst olmaq, bütün biliklərini və bacarığını insanın sağlamlığına yönəltmək, həkim və pasient arasında olan sirri saxlamaq, pasientə qarşı diqqətli və qayğıkeş olmaq, müəllimlərinə minnətdar olmaq, öz biliklərini tələbələrinlə bölüşmək və s. Mən demək olar ki, öz andıma sadiqəm. Müəllimlərimə sonsuz minnətdaram. Öz peşəmi çox sevirəm və bu sahəni seçdiyim üçün peşman deyiləm.

Əlaqə nömrəsi: (050) 443 53 35







скачать dle 10.6фильмы бесплатно