- Turanə xanım, necə oldu ki, həkim oldunuz?

- Həkimlik mənim uşaqlıq arzum olsa da, böyüdükcə bu fikirdən daşındım. Düşünürdüm ki, bacarmaram. Amma ailəmin istəyi ilə bu sahə üzrə oxudum və ilk praktikalardan sonra yenidən sənətimi sevdim.

- Artıq neçə ildir ki, bu sahədəsiniz?

- Artıq on ildir ki, bu sahədə fəliyyət göstərirəm.

- İş prinsipiniz nədən ibarətdir?

- Öz işimi peşəkarcasına yerinə yetirib poasientlərimə gözəl gülüş bəxş etmək əsas iş prinsipimdir.

- Öz sahəniz üzrə hansı işləri icra edirsiniz?

- Əsasən dişlərin estetik bərpası, terapevtik, endodontiya, ortepedik və s. stomotoloji prosedurlar icra edirəm.

- Pasientlər son zamanlarda sizə daha çox nə ilə bağlı müraciət edirlər?

- Daha çox damaq, diş əti xəstəlikləri, iltihablaşmış dişlərlə bağlı müraciətlər olur.

- Xarakter olaraq necə birisiniz?

- İşdən kənarda çox pozitiv, iş zamanı isə daha ciddi biriyəm (gülür).

- Ailəlisinizmi?

- Bəli, ailəliyəm.

- Bir stomatoloq olaraq nəyə "yox" deyirsiniz?

- Dişlərə ev şəraitində müdaxilə etməyə və xüsusən də uşaqlara xalq təbabətindən istifadə etməyə "yox" deyirəm.

- Oxuculara nə məsləhət görürsünüz?

- Dişlərinə qulluq etsinlər, qidalarına diqqət yetirsinlər və həkimə vaxtında müraciət etsinlər. Vaxtında olunan müdaxilə gələcəkdə yarana biləcək daha ağır fəsadların qarşısını almaq deməkdir.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Ağlıma gəlməzdi ki, bu peşəni bu qədər sevib, həvəslə can ataraq öz işimə sahiblənəcəyəm.


Əlaqə nömrəsi: (055) 301 41 72




скачать dle 10.6фильмы бесплатно