- Jalə xanım, necə oldu ki, həkim oldunuz?

- Həkim olmaq mənim uşaqlıq arzum olub. Böyüdükdən sonra qərara gəldim ki, bu arzumu reallaşdırım. Beləliklə, istəyimə çatdım və həkim oldum.

- Artıq neçə ildir ki, bu sahədəsiniz?

- Artıq on ildən çoxdur ki, bu sahədə fəaliyyət göstərirəm.

- Bu illər ərzində nə müşahidə etdiniz?

- Genetika Azərbaycanda az yayılmış bir sahədir. Həkim genetiklərin sayı o qədər də çox deyil. Bunun üçün şərait olmalıdır. Əhali də maarifləndirilməlidir. Bəzi insanlar bir çox həkimə müraciət edirlər, amma bir dəfə də olsun genetikə müraciət etmirlər ki, bəlkə də problemin kökündə hansısa bir genetik xəstəlik dayanır.

- Öz sahəniz üzrə hansı işləri icra edirsiniz?

- Mən öz sahəm üzrə Türkiyədə ixtisaslaşmışam. Biz xromosom analizi, DNT analizi, hərtərəfli genetik müayinə və s.işləri icra edirik.

- İş prinsipiniz nədən ibarətdir?

- Əsas məqsədim bu sahəni Azərbaycanda daha çox tanıtmaqdır. Bunun üçün doktoranturaya da daxil olmuşam. Bu sahəni inkişaf etdirmək üçün əlimdən gələni edirəm.

- Bir həkim olaraq nəyə "yox" deyirsiniz?

- İlk növbədə qohum evliliklərinə "yox" deyirəm. Bəzi gen xəstəlikləri var ki, əmioğlu, bibiqızı və s.onların səssiz daşıyıcılarıdırlar. Amma özləri də bilmirlər. İki daşıyıcı ailə qurduqda uşaqları da xəstə doğulur.

- Xarakter olaraq necə birisiniz?

- Sakittəbiətli biriyəm. Amma haqqımın tapdalanmağına icazə vermərəm.

- Ailəlisinizmi?

- Bəli, ailəliyəm. İki övladım var.

- Oxuculara nə məsləhət görürsünüz?

- Əgər uzun illər bir xəstəliyin çarəsi tapılmırsa, mütləq genetikə müraciət etsinlər. Çünki həmin xəstəliyin altında yatan başqa bir genetik səbəb ola bilər.

- Mən bu sahəni seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Bu sahəyə sevə-sevə gəlmişəm. Amma onun təbliğinin bu qədər çətin olacağı ağlıma gəlməzdi.

Əlaqə nömrəsi: (055) 486 82 88



скачать dle 10.6фильмы бесплатно