- Fəridə xanım, necə oldu ki, bu sahəyə gəldiniz?

- Mən artıq on dörd ildir ki, tibb sahəsində fəaliyyət göstərirəm. İxtisasca həkim-cərraham. Cənab Prezidentin sərəncamı əsasında dövlət xətti ilə təhsilimi Moskva Dövlət Universitetində tamamlamışam. Sonra Azərbaycana qayıdıb iki il həkim cərrah olaraq çalışmışam. Bir həkim olaraq bəzi xəstəliklər diqqətimi daha çox çəkiridi. Xüsusilə də xroniki xəstəliklər. Çünki biz cərrah olaraq bəzi xəstəlikləri əməliyyatla sağalda bilmirik. Bu baxımdan funksional tibblə dərindən maraqlandım. Funksional tibbdə hər hansı bir xəstəliyin yaranma səbəbi araşdırılır. Bir sözlə, məsələ kökündən həll olunur.

- İş prinsipiniz nədən ibarətdir?

- Funksional tibb həkimi olaraq fəaliyyət sahələri müxtəlifdir. Tibbin bir çox sahələrinə xitab edirik.

- Xarakter olaraq necə birisiniz?

- Əslində lider xüsusiyyətlərinə sahib biriyəm. Məqsədyönlüyəm və çətinliyi xoşlayan insanam.

- Son zamanlarda pasientlər sizə daha çox hansı problemlərlə bağlı icra edirsiniz?

- Daha çox xroniki xəstəliklərin müalicəsi və artıq çəki ilə bağlı müraciət edirlər. Uşaqlarda isə autizmə, serebral iflicə, epilepsiyaya daha çox rast gəlirik.

- Ümumiyyətlə, hansı yaş qrupuna aid insanlara çalışırsınız?

- Bütün yaş qrupuna aid insanlarla çalışıram.

- Bəs müalicələrinizin nəticələrini nə qədər müddətə əldə edirsiniz?

- Xroniki xəstəliklərim müalicəsi altı aydan iki ilə qədər davam edir. Düzgün tərtib olunmuş müalicə varsa, birinci ayda müsbət nəticəni görə bilirik.

- Bir həkim olaraq nəyə "yox" deyirsiniz?

- Şablon müalicəyə konkret olaraq "yox" deyirəm. Hər bir pasientə individual yanaşılmalıdır. Çünki hər bir pasientin həyatı, xəstəliyi bir hekayədir.

- Ailəlisinizmi?

- Xeyr, subayam.

- Oxuculara nə məsləhət görürsünüz?

- Məsləhət görürəm ki, öz orqanizmlərini tanısınlar və həkimlərini düzgün seçsinlər.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Mən realistəm. Atdığım hər bir addımı öncədən mənfisi və müstəbilə ölçdüyümə görə məni bu günə qədər təəccübləndirəcək heç bir hadisə yaşamamışam.

Əlaqə nömrəsi: (050) 785 80 85
скачать dle 10.6фильмы бесплатно