- Xəyalə xanım, necə oldu ki, həkim oldunuz?

- Mən uşaqlıqda prokuror olmaq istəyirdim. Amma həkim olmağım anamın arzusu idi. Çünki özü həkim olmaq istəyib, amma ola bilməyib. Mən də onun arzusunu yerinə yetirmək üçün həkim olmaq qərarına gəldim. Amma arzum cərrah olmaq idi. Lakin alınmadı, pediatriyanı seçdim. İndi oğlum deyir ki, mən beyin cərrahı olacağam. Amma düşünürəm ki, nə yaxşı həkim olmuşam.

- Bir az öz sahəniz barənizdə danışaq...

- Mən özüm iki uşaq anasıyam. Övladlarımı böyüdəndə mənim üçün ən çətin məsələlərdən biri onların yuxu problemi idi. Mən bu məsələni ciddi şəkildə araşdırmağa başladım. Bu işin beynəlxalq dərəcədə təhsilini aldım və diplom qazandım. Beləliklə, hazırda həm pediatr, həm də yuxu danışmanı kimi fəaliyyət göstərirəm. Hər iki ixtisas üzrə də biliyimi təkmilləşdirməkdə davam edirəm.

- Artıq neçə ildir ki, bu sahədəsiniz?

- Artıq 15 ildir ki, bu sahədə fəaliyyət göstərirəm.

- Öz sahəniz üzrə sizi narahat edən məsələ nədir?

- Məni ən çox narahat edən məsələ uşaqların peyvənd məsələsidir. Bizim valideynlər iki qrupa bölünürlər : uşaqlarına peyvənd vurduranlar və vurdurmayanlar. Bəzən valideynlər uşaqların peyvəndlərini çox gecikdirirlər. Bundan başqa, uşaqların planşet və telefon aludəçisi olması da narahatedici məqamdır. Bir də ki, uşaqların yuxu problemi ilə də tez-tez rastaşırıq. Biz uşaq yatmayanda ona müxtəlif yöntəmlər tətbiq edirik. Əslində isə valideynlər bu məsələdə daha diqqətli olmaldırlar və yuxunu övladlarına düzgün şəkildə aşılamalıdırlar.

- İş prinsipiniz nədən ibarətdir?

- Mənim üçün əsas olan işimə diqqətlə yanaşmaqdır. Daha bir önəmli məqam isə valideynlərin mənə inamının olmasıdır. Onlara səmimi ünsiyyət qurmaq da əsas iş prinsiplərimdən biridir.

- Bir həkim olaraq nəyə "yox" deyirsiniz?

- Lüzümsuz yerə yazılan dərmanlara və həkim yazdığı dərmanları dəyişdirən əczaçılara "yox" deyirəm.

- Oxuculara nə məsləhət görürsünüz?

- Oxuculara öz bədənlərini və ruhlarını sağlam saxlamağı məsləhət görürəm. Sağlamlıqlarının qədrini bilsinlər.

- Mən bu sahəyə gələrkən ağlıma gəlməzdi ki,.. Bu fikri özünüz tamamlayın, zəhmət olmasa.

- Mənim ağlıma nə gəlibsə, o da başıma gəlib.

Əlaqə nömrəsi: (055) 206 26 85

скачать dle 10.6фильмы бесплатно