- Aynurə xanım, necə oldu ki, həkim oldunuz?

- Həkim olmaq uşaqlıq arzum olub. Düzdür, ailədə atamdan başqa heç kim mənim bu istəyimi dəstəkləməsə də, nəticədə etibarilə öz arzuma çatdım. Tibb Universitetinə daxil oldum. 2010-cu ildə oranı, 2011-ci ildə isə internaturanı bitirdim. Sonra Türkiyənin Ankara şəhərində uzmanlıq təhsili almışam. İstanbulda bir neçə klinikada çalışmışam. 2018-ci ildən isə Azərbaycanda fəaliyyət göstərirəm.

- Niyə məhz ginekologiya sahəsini seçdiniz?

- Həkimlik sahəsində qadına yaraşdırdığım ən uyğun ixtisas olduğuna görə ginekologiyanı seçdim.

-Artıq neçə ildir ki, bu sahədəsiniz?

- Artıq 11 ildir ki, bu sahədə fəaliyyət göstərirəm.

- Öz sahəniz üzrə hansı əməliyyatları icra edirsiniz?

- Ginekologiyaya aid bütün açıq və qapalı əməliyyatları icra edirəm.

- İş prinsipiniz nədən ibarətdir?

- Dürüst olmaq və hər bir pasientə öz doğmam kimi yanaşmaq mənim əsas iş prinsipimdir.

- Xarakter olaraq necə birisiniz?

- Çox həssas və hər şeyi dərin düşünən biriyəm.

- Bir ginekoloq olaraq nəyə "yox" deyirsiniz?

- Qeyri-qanuni abortlara qətiyyətlə "yox" deyirəm.

- Son zamanlarda xanımlar sizə daha çox hansı problemlərlə bağlı müraciət edirlər?

- Daha çox sonsuzluq problemi ilə rastlaşırıq. Amma bu sahədə pasientlər əvvəlki illərə nisbətən çox maarifləniblər. Bundan başqa, vaginal əməliyyatlarla bağlı müraciətlər də kifayət qədərdir.

- Bu sahədə görmək istədiyiniz məqamlar hansılardır?

- Azərbaycanda sığorta sisteminin tam qaydaya düşməsini çox istərdim.

- Xanımlara nə məsləhət görürsünüz?

- Ginekoloji problemlərini həç vaxt arxa plana atmasınlar. Vaxtında müayinədən keçsinlər. Çünki xəstəliyin proflaktikası onun müalicəsindən qat-qat asandır.

Əlaqə nömrəsi: (055) 228 42 20







скачать dle 10.6фильмы бесплатно