- Səadət xanım, necə oldu ki, həkim oldunuz?

- Həkim olmaq mənim uşaqlıq arzum olub. Başqa bir sahə barəsində düşünməmişəm. Ona görə də peşəni seçdim.

- Artıq neçə ildir ki, bu sahədəsiniz?

- Mən müalicə işini bitirmişəm. Bir müddət funksional diaqnostika üzrə işləmişəm. Daha sonra kosmetologiyaya gəldim. Artıq on ildir ki, bu sahədə fəaliyyət göstərirəm.

- Öz sahəniz üzrə hansı işləri icra edirsiniz?

- Kosmetologiyaya aid olan bütün üz və bədən prosedurlarını icra edirəm.

- İş prinsipiniz nədən ibarətdir?

- Mən birinci növbədə keyfiyyətə üstünlük verirəm. Əsas iş prinsipim budur.

- Xaraktet olaraq necə birisiniz?

- Deyilənə görə, mülayim və səbrli biriyəm.

- Son zamanlarda xanımlar sizə daha çox nə ilə bağlı müraciət edirlər?

- Xanımlar son zamanlarda hərtərfli dəyişməyə üstünlük verirlər. Əvvəlki illərə nisbətən bu sahədə maariflənmə də çoxdur.

-Amma indi xanımların əksəriyyəti bir-birinə oxşayır. Buna münasibətiniz necədir?

- Doğru qeyd etdiniz. Bu, bizim yaralı yerimizdir. Mən bunun əleyhinəyəm. Daha çox təbiiliyin tərəfdarıyam.

- Bir kosmetoloq olaraq nəyə "yox" deyirsiniz?

- İndi qeyd etdiyimiz eyniləşməyə qəti surətdə "yox" deyirəm.

- Özünüz özünüzə hansısa bir prosedur edirsinizmi?

- Bəli. Sırf cavan qalmaq üçün istifadə olunan prosedurları özümə edirəm.

- Ailəlisinizmi?

- Bəli, ailəliyəm.

- Xanımlara nə məsləhət görürsünüz?

- Öz simalarını korlanmaqdan qorusunlar. Bir də ki, öz kosmetoloqlarını düzgün seçsinlər. Əsas məsələ budur.

- Mən bu sahəni seçərkən ağlıma gəlməzdi ki... Bu fikri özünüz tamamlayın, zəhmət olmasa.

- Ağlıma gəlməzdi ki, kosmetoloq olaraq fəaliyyət göstərərəm.

Əlaqə nömrəsi: (070) 869 33 79

скачать dle 10.6фильмы бесплатно