- Aygün xanım, necə oldu ki, kosmetoloq oldunuz?

- Mən ixtisasca terapevtəm. 2007-ci ildə Tibb Universitetini bitirdikdən sonra ailə vəziyyəti ilə əlaqədar olaraq bir müddət işləmədim. Amma zaman-zaman kosmetoloji kurslara və seminarlara qatılırdım. Ənənəvi kosmetologiya məşğul olurdum. 2016-cı ildə lazer epilasiyası üzrə işə başladım. Həmin ərəfədə aparat kosmetologiyası ilə də maraqlandım. Ondan sonra gördüm ki, inyeksiyon kosmetologiyaya tələbat artır. O sahəni də tam öyrəndim. Lazer epilasiyası üzrə o qədər peşəkarlaşmışdım ki, şirkətlərin birində təlimçi olaraq da işə götürülmüşdüm.

- Artıq neçə ildir ki, bu sahədəsiniz?

- Ümumilikdə 13 ildir ki, bu sahədəyəm. Amma dörd ildir ki, sərbəst olaraq inyeksiyon kosmetologiya üzrə fəaliyyət göstərirəm.

- Hansı prosedurları icra edirsiniz?

- Kosmetologiyaya aid olan bütün prosedurları icra edirəm. Onu da deyim ki, süni dolğulardan qəti şəkildə istifadə etmirəm.

- İş prinsipiniz nədən ibarətdir?

- Mən birinci növbədə təmizliyə çox önəm verirəm. Mən hər bir alətdən bir dəfə istifadə edirəm. Bir aləti ikinci dəfə avtoklabda sterilizə etmirəm.

- Son zamanlarda xanımların əksəriyyəti görkəmcə bir-birinə oxşayır. Buna münasibətiniz necədir?

- Düz vurğuladınız. Bunun əleyhinəyəm. Mənim fikrimcə, belə gözəllik olmur. İstəkdən çox şey asılıdır. Mən həmişə təbiiliyi qoruyub saxlayıram və pasientlərə də bu yöndə öz məsləhətlərimi verirəm.

- Yalnız xanımlarla çalışırsınız, yoxsa bəy pasientləriniz də olur?

- Bəylərlə də çalışıram. Bəy pasientlərim də müəyyən prosedurlarla bağlı müraciət edirlər.

- Bir kosmetoloq olaraq nəyə "yox" deyirsiniz?

- İndi xanımlar daha çox həcmli dodaqları sevirlər. Amma mən aşırı dolğuya "yox" deyirəm. Həmişə çalışmışam ki, təbiiliyi qoruyum. Bir də ki, qaraciyərə mənfi təsir göstərən prosedurları icra etmirəm.

- Özünüz özünüzə hansısa kosmetoloji prosedurları edirsinizmi?

- Bəli, bəzi prosedurlar var ki, edirəm. Amma elə prosedurlar var ki, onları özümə rəva görmədiyim üçün pasientlərimə də məsləhət bilmirəm.

- Sizcə, bir xanımın simasını daha gözəl göstərən nədir?

- Mənim fikrimcə, birinci ruh yüksəkliyidir. Bir xanımın xoş aurası varsa, o gözəl sayılır. Bir də ki, xanım təbii olaraq gözəl görünməlidir.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Ağlıma gəlməzdi ki, bu qədər uğurlu nəticələrim olar.

- Mən bilirdim ki, hər bir preparata qarşı allergiyalar ola bilər. Amma ağlıma gəlməzdi ki, kosmetologiyada hər beş pasientdən birində allergik reaksiyalar müşahidə edərəm.

Əlaqə nömrəsi: (055) 532 26 06



скачать dle 10.6фильмы бесплатно