- Ayşən xanım, necə oldu ki, bu sahəyə gəldiniz?

- İlk olaraq, bunların çox istədiyim üçün olduğuna inanıram. Mən on bir yaşımda olarəkən psixoloq olmaq istədiyimi demdim. İnsanlarla danışmaq, onlara yardımçı olmaq istədiyimi bildirmişdim. Lakin buna qarşı çıxmışdılar. Mən özümü nədənsə hər zaman insanlarla danışan və danışdıqca onlara nələrsə qatan Ayşən olaraq görmüşəm.
Pandemiya da bu günkü Ayşənə vəsilə oldu. Qoşulduğum Maarifləndirici Təlimlər, oxuduğum kitablar Yaşam kocluğunu sevdirdi mənə. Sonra Yaşam koçluğu dərslərinə davam etdim və öyrəndikcə əslində öyrənməli olduğun daha çox şey var, Ayşən, dedim.
Daha sonra da NLP-yə marağım çoxaldı, onun da dərslərini aldım və öyrənib öyrədəcəyim çox şeyin olduğunun fərqinə vardım.

- İşiniz nədən ibarətdir?

- İnsanlara özlərini göstərmək, onlara aynalıq etmək, əslində nə istədiklərini xatırlatmaq və getdikləri yolda onlara dəstəkçi olmaq. İnsanları anlamaq, empatiya qurmaq, çünki insan olaraq anlamaq duyğumuzu itiririk bəzən amma anlaşılmaq istəyirik. Ən əsası, onları neqativlərdən, travmalardan qurtarmaq, pis vərdişlərindən qurtulmaqlarına yardımçı olmaq və ideal həyatlarına qovuşdurmaq.

- İnsanlar sizə daha çox hansı problemlərlə bağlı müraciət edirlər?

- Travmalar, qorxular, pis vərdişlərdən qurtulma və ən çox da öz sevgisizliklə bağlı müraciət edirlər.

- Xarakter olaraq necə birisiniz?

- Pozitiv, enerji dolu, danışan-gülən, insanlarla zaman keçirməyi sevən, amma eyni zamanda da sakitlik vurğunuyam.

- Hansı prinsiplər əsasında işləyirsiniz?

- Mənim üçün olmazsa, olmaz. Mənə gələn insanların ilk istəkləri və inanclarıdır. Çünki istəyi olmayan bir insanda dəyişiklik edə bilmərik. İnanmayan insanla isə yola davam edə bilmərik.

- Ailəlisinizmi?

- Bəli, ailəliyəm.

- Öz sahənizdə hansı irəliləyişləri gözləyirsiniz?

- Yaşam Koçluğu, NLP və Kuantumla bütünləşərək dərsləri daha böyük kütlələrə vermək istərdim.

- Oxuculara nə məsləhət görürsünüz??

- Belə bir şey deyə bilərəm ki, səssizliyə çəkilsinlər, çünki bəzən səssizlik olduğu zaman zehin susar. Zehin susduğu zaman isə insan ən doğru olanları eşitməyə başlayar. Yaşadıqları hər şey və qarşılaşdıqları bütün insanlar əslində onlara ayna olmaq üçün onların həyatına girirlər. Bəziləri nələrisə göstərmək üçün, bəziləri isə nələrisə öyrətmək üçün.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Mən Yaşam Koçluğunu seçərkən ağlıma gəlməzdi ki, NLP ilə, Təlimçilik ilə, Kuantum ilə davamı gələcək. Ağlıma gəlməzdi ki, mən öyrənməyə bu qədər səbirsizəm. Ən əsası, bu yolda möhtəşəm insanlarla tanışacağım da ağlıma gəlməzdi.

Əlaqə nömrəsi: (050) 788 20 24


скачать dle 10.6фильмы бесплатно