- Lalə xanım, necə oldu ki, həkim oldunuz?

- Mən o zamanlar pediatr olmaq istəyirdim. Çünki uşaqları çox sevirəm. Həmin ixtisasa da qəbul oldum. Oranı bitirdim. Amma rezidentura qanunu qəbul olundu. Onda men ailəli idim. Anlayırdım ki, pediatr olmaq çox məsuliyyətlidir. Sonra məndə psixatriyaya maraq oyandı və imtahan verdim, psixatriyaya daxil oldum. Artıq on ildir ki, bu sahədə çalışıram.

- Bu illər ərzində nə müşahidə etdiniz?

- Təəssüflər olsun ki, son zamanlarda psixoloji xəstəliklərin sayı çox artıb. Bu da insanların stressli həyat keçirtməsi ilə bağlıdır.

- Sizə daha çox hansı problemlərlə bağlı müraciət edirlər?

- Daha çox nevrozlar, panik ataklar, depressiya və s. ilə bağlı müraciətlər olunur.

- Hansı üsullarla işləyirsiniz?

- Konsultasiya zamanı mən hər pasientə ən azı bir saat vaxt ayırıram. Onun bütün həyat hekayəsi, xəstəliyi haqqında məlumat toplayıb, onda olan problemə görə dərman və ya psixoterapiya üsulu ilə müalicə tətbig edirəm.

- Xarakter olaraq necə birisiniz?

- Üç uşaq anası, evinin xanımı (gülür). Ümumiyyətlə, uşaq ruhluyam. Ona görə də, uşaqları çox sevirəm.

- Ailə həyatı ilə bu iş alınırmı?

- Alınır. İşimi də sevirəm. Övladlarıma da kifayət qədər vaxt ayırmağa çalışıram.

- Nəyə "yox"deyirsiniz?

- Mənim əsas prinsipim dürüstlükdür. Mən pasisentlərimlə də dürüst davranıram. Onların hər birinə öz doğmam kimi yanaşıram. Eyni şeyi onlardan da görürəm.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Ağlıma gəlməzdi ki, bu qədər imtahan verərəm, bu qədər kitab oxuyaram (gülür).

Əlaqə nömrəsi: (050) 689 32 59





скачать dle 10.6фильмы бесплатно