- Nübar xanım, zaman sizi haradan götürüb haraya gətirdi?

- Mən bu sahəyə meylli olmuşam. Uşaqlıqda müxtəlif heyvanların üzərində “təcrübə” aparırdım (gülür). Mənim həkim olmağımda anamın da böyük təsiri olub. Yaxşı yadımdadır, bir dəfə anamla yol keçirdik. O, dedi ki, gözlərim zəifdir, qarşı tərəfi yaxşı görmürəm. O hadisə mənim ağlımda qaldı və oftalmoloq olmaq qərarına gəldim. Başqa bir sahəyə getmək fikrimdən keçməyib.

- Artıq neçə ildir ki, bu sahədəsiniz?

- Mən on səkkiz ildir ki, bu sahədə fəaliyyət göstərirəm.

- İş prinsipiniz necədir?

- Mən hər bir pasientimə öz doğmam kimi yanaşıram. Onlarla mütəmadi olaraq maraqlanıram.

- Ağ xalatsız necə birisiniz?

- İşdənkənar incəsənətlə məşğul oluram. Asudə vaxtlarımda rəsm çəkirəm

- Bir həkim olaraq nəyə “yox” deyirsiniz?

- Həm insan olaraq, həm də həkim kimi haqsızlığa “yox” deyirəm.

- Pasientlər son zamanlarda sizə daha çox hansı xəstəliklərlə bağlı müraciət edirlər?

- Fəsillə əlaqədar olaraq, allergiya ilə bağlı müraciətlər daha çox olur. Bir də ki, telefonlara çox baxmağa görə, göz yaşı yetməzliyi xəstəliyi çoxalıb.

- Hanı yaşdan etibarən gözləri daha diqqətli qorumaq lazımdır?

- İnsan dünyaya gəldiyi gündən etibarən valideynləri onu mütəmadi olaraq göz müayinələrinə aparmalıdır. Çünki vaxtında olunan müdaxilələr gələcəkdə yarana biləcək fəsadların qarşısını alır.

- Bəzi insanlar həkim məsləhəti olmadan müəyyən dərman preparatlarından istifadə edirlər. Buna münasibətiniz necədir?

- Belə halları qətiyyətlə pisləyirəm. Burada əczaçıların da günahı çoxdur. Onlar həkim məsləhəti olmadan insanlara dərman preparatları verirlər. Belə halların qarşısı mütləq alınmalıdır və insanlar bu barədə maarifləndirilməlidirlər.

- Mən həkim andı içərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Düşünmızdim ki, insaların sağlamlığını bu dərəcədə düşünərəm, onlara bu qədər yaxın olaram və dərdlərinə şərik olaram.

Əlaqə nömrəsi: (050) 3368655








скачать dle 10.6фильмы бесплатно