- Sevda xanım, necə oldu ki, müğənni oldunuz?

- Musiqiyə həvəsim uşaqlıqdan olub. Əvvəllər rəqsə də meylim olub. Lakin çox təkid etdikdən sonra valideynlərim məni Gəncədəki musiqi məktəblərindən birinə qoydu. Ondan sonra bu sənətlə məşğul olmağa başladım. Dörd il orada oxuduqdan sonra konservatoriyaya qəbul oldum, lakin oxuya bilmədim.

- Niyə oxuya bilmədiniz?

- Həmin ərəfədə mənə çox elçilər gəlirdi. Valideynlərim məni sevmədiyim birinə vermək istədilər. Çarəsizlikdən özümdən yaşca çox böyük bir insana qoşulub Bakıya qaçdım. Çünki orada ailə qursaydım, xəyallarım puç olacaqdı. Həmin ərəfədə hər şeydən küsmüşdüm. Amma məqsədim bu sənətlə qabağa getmək idi. Gəncəyə qayıtdım və həmin insanla toyum oldu. Toyumdan iki gün sonra yenidən Bakıya gəldim. Bir müddət həmin insanla dolandıq. Amma iki-üç aydan sonra ondan ayrıldım. Çünki mənə uyğun adam deyildi. Sonra övladım dünyaya gəldi. Hal-hazırda iki yaşı var. Beləcə, sənətimlə özüm çörək qazandım. Özüm-öz ayağım üzərində dayandım.

- İndi olduğunuz yerdən məmnunsunuzmu?

- Tam məmnun deyiləm, amma bir pillə də olsa, yüksələ bilmişəm.

- Bu gün niyə barmaqla göstərilənlərdən deyilsiniz?

- Bu sənətdə irəli getəmk üçün maddiyyat və bir təkan lazımdır.

- Xarakter olaraq necə birisiniz?

- Səhnədə tamam başqa biriyəm, nə çətinliyim olsa da, biruzə vermirəm. Həyatda tamamilə başqayam. Tək-tənha bir insanam. Fikirlərimlə və xəyallarımla baş-başa qalıram.

- Səndə səhnə üçün çatışmayan nədir?

- Düşünürəm ki, hər bir şey var. İrəli getmək üçün əlimdən gələn hər şeyi edirəm.

- Amma elələri var ki, bir gecədə məşhurlaşırlar. Onlar nəyin gücünə irəli gedirlər?

- Səsi olanları da var. Amma bəziləri nəyinsə gücünə irəli gedirlər.

- Qaçdıqca nəyə çata bilmirsən?

- Məqsədimə çata bilmirəm.

- Nə olmamalı idi, amma oldu?

- Mənim yaşımdakı xanımların ata qayğısına ehtiyacı var. Mən isə o qayğını görmədim. Hər nə olsa da, atadır. Öz başıma böyüməmişəm ki... Atamı sevirəm və düşünürəm ki, o da məni sevir. Amma o öz sevgisini məndən gizlətdi. Ümumiyyətlə, mən həyatda qadın kimi yox, ana kimi xoşbəxtəm.

- Özünüzlə dartıb apara bilmədiyiniz bir yükünüz varmı?

- Yüküm həddindən artıq çoxdur.

- Kaş ki, gözüm kor olaydı, onu görməyəydim və ya nəyi?

- Kaş ki, gözüm kor olaydı, dünyaya gəlməzdim, nə də onu görməzdim.

- Gözünüzdən nə düşüb?

- Həyat və insanlar gözümdən düşüb.

- Bəs gözünüz nəyə düşüb?

- Sevgiyə... Mən sevgiyə çox inanıram. Sevgi vermişəm, amma sevgi görməmişəm.

- Daha çox yanırsınız, yoxsa yandırırsınız?

- Yanadırmağı bacarmıram, özüm yanıram.

- Dodağınızdan qəlbinizə axıb gedən nə oldu?

- Qayğısızlıq, diqqətsilik və yoxsulluq.

- Mən axı haradan biləydim ki,.. Bu fikri özünüz tamamlayın.

- Mən axı haradan biləydim ki, yaşımdan çox böyük bir həyat yaşayacağam.













скачать dle 10.6фильмы бесплатно