- Səhər xanım, zaman sizi haradan haraya gətirdi?

- Mən on ildən artıqdır ki, loqopediya ilə məşğulam. Müxtəlif illərdə müxtəlif yerlərdə loqoped kimi fıaliyyət göstərmişəm. Bu işə sevərək başlamışam. Heç vaxt maddiyatı düşünməmişəm. İlk dəfə internat evnin serebral iflicli uşaqları ilə çalışmışam. Onların baxışlarında yaranan ümidləri gördükcə mən bu işi daha çox sevirdim. Həmişə istəyirdim ki, özüm bir mərkəz yaradım və öz proqramlarımı tətbiq edim. İllər keçdi, yoldaşımın da dəstəyi ilə “Sənay” psixoloji mərkəzini yaratdım və ətrafıma da işinin peşəkarı olan insanlar topladım.

- Mərkəziniz neçə müddətdir ki, fəaliyyət göstərir?

- Artıq beş aydır ki, fəaliyyət göstəririk.

- Burada hansı xidmətlər göstərilir?

- Psixoloji, pedoqoji, müalicəvi idmanlar, massaj, loqopediya və s. xidmətlər göstəririk. Burada çalışan işçilər də işinin peşəkarlarıdırlar. İllərdir ki, öz sahələri üzrə çalışan təcrübəli işçilərdirlər.

- Son zamanlarda sizin mərkəzinizə olunan müraciətlər daha çox nə ilə bağlı olur?

- Daha çox uşaqların psixoloji vəziyyətləri ilə bağlı müraciətlər edilir. Çünki pandemiya dövrü onların psxiolojiyasına çox pis təsir edib.

- Səhər xanım, xarakter olaraq necə birisiniz?

- Xeyirsevər bir insanam. İnsanlara bacardığım qədər həm maddi, həm də mənəvi köməklik göstərməyə çalışıram. Yetər ki, insanların simasından gülüş əksik olmasın.

- Mərkəzinizdə özünüz də loqoped olaraq fəaliyyət göstərirsinizmi?

- Bəli, özüm də fəaliyyət göstərirəm. Daha çox hazırladığım proqramlarla məşğulam. Həmin proqrlamları uşaqlara tətbiq edirəm. Nəticə də gözəl alınır. Gələcəkdə bu proqramlardan ibarət bir kitab da dərc etməyi planlaşdırıram.

- Mərkəziniz daxilində hansısa bir tədbirlər, seminarlar və s. təşkil edirsinizmi?

- Pandemiyaya görə, hələ ki, edə bilmirik. Amma gələcəkdə kurslar, seminarlar, tədbirlər təşkil etmək planımız var. “Sənay” ailəsi olaraq aksiyalar keçirdirik. Şəhid ailələrini ziyarət etdik. Onların övladlarına təmənnasız təlimlər verdik. Bu, bizim borcumuzdur. Belə aksiyaları tez-tez təşkil edəcəyik.

- Son olaraq, nə demək istəyirsiniz?

- Demək istəyirəm ki, valideylər çox rahat bir şəkildə öz uşaqlarını “Sənay” ailəsinə təhvil verə bilərlər. Burada çalışan mütəxəssislər hər bir uşağa öz övladı kimi baxır, onlara necə yanaşmaq lazım olduğunu çox gözəl bilir. “Sənay” sözünün mənası gözəllikdir. Biz də adımıza uyğun olaraq, hər bir şeyin ən gözəlini etməyə çalışırıq.

Əlaqə telefonu: (070) 8354244









скачать dle 10.6фильмы бесплатно