Tarix boyu bir çox astronomik hadisə xurafata, qəribə inancların yaranmasına, güclənməsinə səbəb olub.

Qədim Çin, Misir, Mesopatamiya kimi sivilizasiya mərkəzlərində kosmik cismlərə xüsusi mənalar yüklənib, bunlar insan həyatı ilə əlaqələndirilib. Hətta tarixin bəzi siyasi, hərbi liderləri də qərar verərkən, münəccimlərə müraciət ediblər.

Günümüzdə də astronomik hadisələrlə bağlı inanclar güclüdür. Bu cür hadisələrdən biri də qanlı Ay tutulmasıdır.

Bəzi hallarda Yer Günəşlə Ayın arasından keçir. Bu zaman Yerin atmosferindən əks olunan günəş şüaları Ayın səthinə düşür və ona qırmızı rəng verir. Bununla da xalq arasında “qanlı ay tutulması” adı verilən astronomik hadisə baş verir.

Bəzi insanlar əcdadlarımızla eyni düşncədədirlər. Onlar inanırlar ki, qanlı ay tutulması zamanı insanın taleyinə təsir edən proseslər gedir. İnsanlar aqressivləşir, qeyri-adi nevrotik, psixoloji davranışlar ortaya çıxır, qətllərin və hətta müharibələrin sayı artır.

Mövzumuzla bağlı vətəndaşlarımızın da fikirlərini öyrənməyə çalışdıq. Görək onlar nə düşünürlər?

Astroloq Məryəm Teymur da düşünür ki, ay tutulması insan bədəninə təsir edir: “Hər bir Ay tutulması özünəməxsus şəkildə təsirlidir, çünki burda bizim bioritmikamızla əlaqə var. Bədən saatı var, bədən enerjisi var; emosional, intellektual və fiziki və birbaşa təsir edir. Bu da baxır, insanın bio-ritmləri hansı necə çalışır – yüksəlişdədir, enişdədir, yoxsa durğunluqdadır. Buna görə, potloji xəstəliklərimizə və emosional-gərgin durumumuza təsir edir. Öz bədənini, sağlamlığını izləyən, qoruyan, əsəblərini yoxladan insan gözəl keçirir, ay tutulmasının ona heç bir mənfi təsiri olmur. Gərgin olan, xəstəliklərə diqqət yetirməyən, qidasına fikir verməyən insan üçün proses daha ağrılı keçir”.

Həkim-nevroloq Qalib Əsədov isə bütün bunlarla razılaşmır: “Bu sadəcə astronomik bir hadisədir, insanın zehninə, psixikasına, davranışına heç bir təsiri yoxdur. Müxtəlif əfsanələr, nağıllar qoşulur. Tamamilə boş, cəfəng söhbətlərdir. Milyonarla insan var ki, heç bilmir nə zaman ay tutulur, günəş tutulur, normal da yaşayırlar. Psixoloji təsir olsa, inandığı bir adamdan, cəmiyyətdə müəyyən avtoritariya sahibi insanlardan belə şeylər eşitsə, bu onda həyacan yarada bilər. Beləcə aqressivləşər. Yəni bu, sadəcə psixoloji təsirdən asılı bir şeydir. Beyində gedən bio-kimyəvi prosesslərə heç bir təsiri yoxdur”.

Xatırladaq ki, sonuncu tam Ay tutulması bu ilin 16 may tarixində baş verib. Astroloqlar bu tutlmanın təsirlərinin 6 ay davam edəcəyini bildirirlər.

NASA isə hər il təxminən iki Ay tutulmasının baş verdiyini və növbəti tam Ay tutulmasının noyabrda olacağını açıqlayıb. Bildirilir ki, 2025-ci ilin martına qədər başqa tam Ay tutulması olmayacaq.

APA TV

скачать dle 10.6фильмы бесплатно