Səfərbərlik və Hərbi Xidmətə Çağırış üzrə Dövlət Xidmətinin Naxçıvan MR Baş idarəsinin əməkdaşları barəsində “Hürriyyət”in redaksiyasına şok faktlar daxil olub. Adının çəkilməsini istəməyən mənbə deyir ki, hazırda sözügedən idarədə korrupsioner və rüşvətxor məmurlar “yuxarı başa” çəkilir. Mənbə bütün bunlarla əlaqədar yazır:

“Azərbaycan Respublikası Prezidentinin 2023-cü ilin aprel ayında verdiyi müvafiq fərmanı ilə Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin Naxçıvan MR Baş idarəsi yarandığı gündən indiyədək vəzifəyə təyin olunanların kimliyi haqda faktları böyük məmnuniyyətlə sizlərlə paylaşmağı vicdanlı Azərbaycan vətəndaşı olaraq özümə borc bilirəm.

Deməli, 2023-cü ilin aprel ayında Səfərbərlik Xidmətinin Naxçıvan MR Baş idarəsi yaranan gündən, həmin yerlərə rəis vəzifəsinə təyin olunan şəxslər, keçmiş rəis Mirzə Cəlilovun hərbi sahədə bir çox işi tam bilməməsindən istifadə edərək, xəbərsiz dövlətin ciddi hesabat kitabçası olan hərbi biletləri 9 500-10 000 manat qarşılığında saxtalaşdırıblar. Bu kimi korrupsiya əməlləri ilə seçilən şəxslər aşağıdakılardır:

- Mayor rütbəsindən polkovnik-leytenant rütbəsinə yükəsələn dəstə başçısı Lətif Şükürlü və onun əlöpənlərindən olan, Babək rayonunda “Baytar mayor” kimi tanınan və çağırış zamanı aldığı rüşvətə görə “klipləri” çıxan Amil Həsənov;

- Ordubad rayon şöbəsində 18 il rəis işləmiş və yaxşı rüşvətə görə xidmətə davam etmək üçün Baş idarəyə - Qeydiyyat şöbəsinə rəis gətirilmiş polkovnik-leytenant Vüqar Rəhimli.

- Komandanı olan Kərəm Mustafayevin hesabına Culfa rayon şöbəsində 24 ildir rəis işləyən və korrupsiyaya görə hələ də xidmətdə olan polkovnik-leytenant Vüsal Məmmədov;
- Keçmiş “Gestapo” Cəlil Rüstəmovun hesabına Şahbuz rayon şöbəsinə rəis vəzifəsinə gətirilmiş Şükürlü Qorxmaz;

- Yaxşıca rüşvət işinə görə Baş idarəyə - Çağırış şöbəsinə müavin gəltirilmiş və dəstə başçısına sadiqliyinin sübutu üçün onun qohumunu Şahbuz rayonuna rəis təyin etdirən "üç telli qədeş ləqəbli", üzədurmaq qabiliyyətinə görə mayor rütbəsi alan Məmməd Hüseynov;

- Keçmiş “xan” Vasif Talıbovun kirvəsi olduğuna görə Sədərək rayon şöbəsinə rəsi təyin olunan və yaxşıca rüşvətə görə polkovnik-leytenant rütbəsi alan Nüsrət Vəliyev;

- Mirzə Cəlilovdan xəbərsiz, saxtakarlıqla vətəndaşları - 83 nəfərdən çox insanı çağırışdan yayındıran və xarici təhsil alan çağırışçıları “fotoşopp” vasitəsilə təhsil hüquqlarını 4 ildən yuxarı, 12 ilədək uzadan, istənilən vətəndaşın adına saxtalaşdıran və digər müxtəlif yollarla hər bir vətəndaşın 3 000-3 500 manatdan çox vəsaitini mənimsəyərək, 14 il Çağırış şöbənin rəisi kimi işinə davam edən polkovnik-leytenant Vüsal Əliyev.

Sizə də aydın olsun ki, bunlar saxtakarlıq yolu ilə vətəndaşdan oğurladıqlarının dövlətə geri qaytarılmaması üçün dəstə başçısının məsləhət və məşvərəti ilə, birgə sözləşmə əsasında Ali Məhkəmədə Mirzə Cəlilovun üzünə dirənməyə çalışıblar. Hətta bunların işini aparan hakim belə çaş-baş qalıb ki, "vətəndaşı aldatmaqla yanaşı, üzə dirənmək sahəsində də necə profesional dəstədirlər"?! Hətta istintaq və məhkəmə dövründə rütbəcə və vəzifəcə irəli çəkiliblər. Hansı yüksək işlərinə görə Səfərbərlik Xidmətinin rəhbərliyi tərəfindən bunlar və əl öpənləri vəzifəcə və rütbəcə irəli çəkilib?

Bəli, hər şey Kadrlar İdarəsinin rəisi, Eldar Mahmudovun “qara qutusu” adlanan Tehran Babatovdan asılıdır. "Qara qutu" ləqəbli şəxs tabe olduğu rəhbərliyini aldadır, yoxsa həmin dəstəni hansısa maraq qarşısında irəli çəkir?

Bəli, Səfərbərlik Xidmətinin Naxçıvan Baş idarəsində adları korrupsiya əməlində hallanan şəxslərin siyahısı Xidmətin rəhbərinə şəxsən rəsmi olaraq daxil olmuşdur. Yəni istintaq orqanı tərəfindən Xidmətin rəhbərliyinə ünvanlanmışdır. Bəs səbəb nədir? Deməli, belə düşünülür ki, həmin dəstə başçısı və əl öpənləri yaxşıca rəşvətə, "dinmə ver" işlərinə görə irəli çəkiliblər.

Bəs “qara qutu” - Tehran Babatov bilmir ki, onların barələrində Azərbaycan Respublikasının Cinayət Məcəlləsinin 179.3.2 - 308.2 və digər maddələrilə "vəzifə səlahiyyətlərinin aşma işinə görə cinayət işi gedir? Nə üçün Azərbaycan Respublikası Konstitusiyasının müvafiq bəndləri icra olunmur? Demək, "qara pişik misalı", nəsə şirinlik olub ki, bunlar irəli çəkiliblər və şirinlik verməyən isə vəzifəcə aşağı düşür.

Məhkəmə prosesi başlananda dəstə başçısı Lətif Şükürlü bunlarla telefon əlaqəsi yaradaraq, “mən tutulsam, sizin hamınız tutulacaqsınız”, - deyə hədə-qorxu gəlib. Lətif Şükürlü onlara deyib ki, bu günədək nə işlər görülübsə, deyirsiniz ki, Mirzə Cəlilov deyib, biz etmişik.

Son olaraq onu da deyim ki, Səfərbərlik və Hərbi Xidmətə Çağırış üzrə Dövlət Xidmətinin Babək Rayon Şöbəsinin rəisi Hafiz Nəcəfov da qanunsuz yollarla az sərvət toplamayıb. Heç də təsadüfi deyil ki, o, yaxın vaxtlarda Türkiyənin İzmir şəhərində qızına ev və dükan alıb, Naxçıvanda isə oğlunun və arvadının, o cümlədən Bakıda da arvadının adına evləri var.

“Hürriyyət”скачать dle 10.6фильмы бесплатно