Nəsimi rayonu 4 mkr H. Seyidzadə 27-a ünvanında yaşayan sakinlər Nəsimi RİH-nin məsuliyyətsiz fəaliyyətinin qurbanına çevriliblər. Belə ki, yuxarıda göstərilən ünvanda yaşayış binasının birinci mərtəbəsinin arxasında inşa edilən obyektin tikintisi zamanı kanalizasiya borularının sıradan çıxması ərazidə acınacaqlı vəziyyət yaradıb. Kanalizasiya borularından axan çirkab sular ətrafı üfunət iyinə bürüyüb. Ətrafdakı sakinlər üfunət iyindən zülm çəksələr də, Nəsimi RİH-nin rəsmilərinin burnuna hələ də iy çatmayıb. Təbii ki, onların burunları ancaq pul iyinə öyrəşdiyi üçün mövcud anti sanitar durum qətiyyən rüşvətxor və korrupsionerləri narahat etmir. Sakinlərin dəfələrlə etdiyi müraciətlər qulaqardına vurulur. Heç kim üçün sirr deyil ki, bu növ tikintilərə külli miqdarda rüşvət müqabilində icazə verirlər. Xüsusilə, Nəsimi rayonunda Asif Əsgərovun rəhbərliyi altında fəaliyyət göstərən korrupsiya şəbəkəsi belə işlərdə böyük təcrübəyə malikdir. Rüşvət alıb tikintiyə icazə verəndən sonra ortaya çıxan problemlər rayon rəsmilərini qətiyyən narahat etmir.




Problemlə bağlı 77 saylı MKİS-in baş mühəndisi Maşallah adlı şəxslə telefon əlaqəsi saxlasaq da o, tikintidən xəbərsiz olduğunu bildirərək telefonu söndürdü. Deyilənlərə görə, A. Əsgərov ara-sıra bu küçədə yürüş edir. Amma, nədənsə dəmir parçaları ilə əhatə olunmuş və üfunət iyi verən tikinti meydançasını görməməzlikdən gəlir. Görəsən icra başçısını susmağa və göz yummağa vadar edən hansı qüvvədir?....
Sakinlər isti havada anti sanitariyanın yaratdığı üfunət iyindən və ağcaqanadları əlindən pəncərələrini belə aça bilmədikləri halda, rayon rəsmləri evlərində istirahət edirlər. Görünür Prezident İlham Əliyevin həyata keçirdiyi korrupsiya və rüşvətlə mübarizə, vətəndaş məmnunluğu siyasəti Nəsimi rayonunda əksinə başa düşülür.
Mövzunu diqqətdə saxlayacağıq. Aparılan tikintinin kimə məxsus olması və bunun üçün külli miqdarda rüşvətin kimlərə verilməsi ətrafında araşdırmalarımız davam etdiriləcək..







скачать dle 10.6фильмы бесплатно