Uzun illərdir ki, xurafata qarşı cəmiyyətimizdə kəskin mübarizə aparılır. Hamımıza yaxşı məlumdur ki, bir sıra dələduzlar insanların sadəlövhlüyündən, dünyagörüşünün formalaşmasının az olmasından istifadə edərək bir çox insanları öz torlarına sala bilirlər. Belə dələduz falçılardan biri də Xaçmaz rayonunun Yeni Həyat qəsəbəsində yaşayan Gülbahar adlı bir qadındır. O dələduzluq fəaliyyətini nəinki Xaçmazda və Bakıda, hətta qonşu Rusiyada yəni Moskva və Volqoqrad şəhərlərində həyata keçirir.
Bu yerdə Şeyx Nəsrullahın fikirləri yada düşür. İnsanların avamlığından istifadə edən Şeyx Nəsrullah rəhmətə gedən insanları dirildəcəyinə söz verir. Min bir hiyləyə əl atan Nəsrullanın əksinə ancaq kefli İskəndər çıxır. O daim insanları inandırmağa çalışır ki, Şeyxin əməllərinin hamısı yalandır, fırıldaqdır. Nə qədər desə belə heç kim inanmaq istəmir. Sonda isə Nəsrullanın yalançı əməlləri üzə çıxanda hər kəs aldandığını bilir və başa düşür. Gəlin biz də müasir nəsrullara inanmaqdan əl çəkək. Elm, texnikanın inkişaf etdiyi bir zamanda qara qüvvələrin quluna çevrilməyək.
Deyilənlərə görə dələduzluq fəaliyyəti üçün insanları aldadaraq onlardan pul tələb edir. Bu yolla da yaşadığı ərazidə torpaq sahələri ələ keçirib. Gülbahar xanım müəyyən insanların yaranmış problemlərini həll etmək üçün onlara cadu olunduqlarını bildirir və bu cadunu təmizləmək üçün külli miqdarda maddi vəsait tələb edir. İnsanlara sözümüz budur ki, belə dələduz falçılara deyil, Uca Tanrıya dua edib inansınlar. Çünki insanı, kainatı da yaradan Uca Tanrıdır. Belə batil işlərə inanmağın özü də Tanrı yanında böyük günah hesab olunur.
Əldə olunan məlumata görə Gülbahar xanım hətta öz kürəkəninə də cadu yolu ilə problemlər yaşadır və yaşatmaqda davam edir. Biz inanırıq ki, aidiyyatı qurumlar bu məsələ ilə yaxından maraqlanacaq, Gülbahar xanım və onun kimi dələduz falçıların insanların səmimiliyindən, nadanlığından istifadə edərək aldatmalarına son qoyulacaq. Belə dələduzlar qanun qarşısında cavab verməli olacaqlar.
P.S. Hörmətli oxucuların fikrini bilmək istərdik. Görəsən cəmiyyət üzvləri caduya, falçıya inanır və inanmır. Buyurun fikirlərinizi bizimlə bölüşün. Hörmətli soydaşlar belə xurafatçılara qarşı bir mübarizə hamımızın borcudur.скачать dle 10.6фильмы бесплатно