Amerikanın “Google” korporasiyası koronavirus pandemiyası zamanı bütün dünya üzrə insanların olduğu yer barədə məlumatların dərc olunacağı saytı istifadəyə verib.

Bu barədə “Google” kompaniyasının bəyanatında deyilir. “COVID-19 Community Mobility Reports” adlanan saytda yeni koronavirusun yayılması səbəbindən dünyanın bir çox ölkələrində karantin rejiminin tətbiqindən sonra ticarət-əyləncə mərkəzlərində, ərzaq mağazalarında, aptek və parklarda insan sıxlığının necə dəyişdiyini izləmək mümkün olacaq.

Kompaniya şəxsi məlumatların qorunması üçün hər bir fərdi istifadəçi barədə deyil, bu və ya digər obyektlərdə insan sıxlığı barədə ümumi informasiya verəcək. Məsələn, San-Fransisko əhalisinin hərəkəti analizi göstərdi ki, fevralın 16-dan martın 29-dək şəhərdəki ticarət-əyləncə mərkəzlərində insan sıxlığı 72 faiz, parklarda gəzənlərin sayı isə 55 faiz azalıb.

İnternet-portal ilkin mərhələdə 131 ölkədən məlumat təqdim edəcək və tədricən insanların hərəkətinin izlənəcəyi ölkələrin sayı artırılacaq. Kompaniyanın bəyanatına əsasən, sayt müxtəlif dövlətlərin hakimiyyət orqanlarına karantin tədbirlərinin yerinə yetirilməsini qiymətləndirməyə kömək edəcək.скачать dle 10.6фильмы бесплатно