- Sevinc xanım, necə oldu ki, bu sahəyə gəldiniz?

- Mənim uşaqlıqdan marağım incəsənətə olub. Amma ailəmizdə həkim çoxdur. Ona görə də, valideynlərim məni bu sahəyə yönəltdilər. Birinci il Tibb Universitetinə qəbul ola bilmədim. Texnikuma getdim. Oranı bitirdikdən sonra on bir doğum evində çalışdım. Oranın baş həkimi rəhmətlik Stella xanımdan çox şey öyrəndim. O illərdə qazandığım təcrübə mənə çox böyük kömək oldu. Sonra Tibb Universitetinə daxil oldum. Oranı bitirdikdən sonra bir neçə il ultrasəs müayinə üzrə işlədim. Sonra ailə şəraiti ilə əlaqədar olaraq Antalyaya köçdük. Oradakı həkim dostlarımdan bir təklif aldım. Kosmetologiya üzrə işləməyə başladım. Nə yaxşı ki, bu sahəyə gəldim. Özümü çox xoşbəxt hiss edirəm və bu sahəni çox sevirəm.

- Artıq neçə ildir ki, bu sahədəsiniz?

- Artıq altı ildir ki, bu sahədə fəaliyyət göstərirəm.

- Bu illər ərzində nə müşahidə etdiniz?

- Bu sahədə pasientlər arasında digər ölkələrə nisbətən bir az maariflənmə azdır. Xanımlar daha çox estetik prosedurlara üstünlül verirlər. Mən bu işə tibbi tərəfdən yanaşıram.

- Bütün prosedurları icra edirsinizmi, yoxsa istisnalar var?

- Saplarla işləməyi heç sevmirəm. Bir də burun korreksiyası etmirəm. Çünki ehtiyat edirəm. Burun korreksiyası üçün müraciət edən pasientləri plastik cərraha yönəldirəm.

- Xaraktet olaraq necə biridir Sevinc xanım?

- Çox pozetiv və həyatı sevən bir insanam. Pasientlərimə də bunu yansıtmağa çalışıram.

- Xanımlara nə məsləhət görürsünüz?

- Məsləhət görürəm ki, öz həkimlərini düzgün seçsinlər və prosedurlardan öncə öz problemlərini mütləq həkimə danışsınlar.

Əlaqə nömrəsi: (055) 360 55 72







скачать dle 10.6фильмы бесплатно