- Röyanə xanım, necə oldu ki, həkim oldunuz?

- Məni bu sahəyə nənəm yönləndirdi. Özü xalçaçı idi, amma həkimləri çox sevirdi. Ona görə, məndə də bu sahəyə maraq yarandı və həkim oldum.

- Bəs niyə məhz nevrologiya sahəsini seçdiniz?

- Əslində mən cərrah olmaq istəyirdim. Amma tanış bir xanım var idi. O da cərrah idi. Onunla söhbət əsnasında mənə dedi ki, bir xanım üçün cərrah olmaq çox çətin və məsuliyyətli bir işdir. Mən də araşdırdım və nevrologiya sahəsi diqqətimi cəlb etdi. Ona görə də bu sahəni seçdim.

- Artıq neçə ildir ki, bu sahədəsiniz?

- On beş ildən çoxdur ki, bu sahədə fəaliyyət göstərirəm.

- Bu illər ərzində nə müşahidə etdiniz?

- Mən universiteti bitirdikdən sonra dövlət müəssisəsində çalışmağa başladım. O zamanlar bizim sahədə müəyyən çətinliklər var idi. Bu hal bir az ruh düşkünlüyü yaratsa da, mən həvəsdən düşmədim. Öz üzərimdə işləməyə davam etdim. Xaricə üz tutdum. Əvvəlcə Türkiyədə, sonra isə bir çox Avropa ölkələrində təkmilləşmə kursları keçdim. Şükürlər olsun ki, indi bizim cəmiyyətdə həkimlərə olan ümid, inam çox artıb və vəziyyət düzəlməyə doğru gedir.

- Xarakter olaraq necə birisiniz?

- Evdə mənə deyirdilər ki, sən həkim olmasan, hüquqşünas olardın. Çox tələbkaram. Həm işimdə, həm də evdəkilərə qarşı. Boş zaman keçirtməyi sevmirəm.

- Sizə daha çox hansı problemlərlə bağlı müraciət edirlər?

- Mən pediatr-nevroloqam. Uşaqlara daha çox işləyirəm. Son zamanlarda hiperaktivlik, diqqətsizlik, əsəbilik, tiklər, qıcolma, epilepsiya, nitq və əqli ləngimələr, serebral iflic və s. problemlərlə bağlı müraciətlər olur. Bütün bunların kökündə də gərginlik dayanır ki, bu da son dövrdə yaşanan problemlərlə əlaqədardır.

- İş prinsipiniz nədən ibarətdir?

- Mən hər bir yeniliyə açıq bir insanam. Yeniliklər öyrənməyi və tətbiq etməyi sevirəm.

- Ailəlisinizmi?

- Bəli, ailəliyəm.

- Bu işlə ailə həyatı alınırmı?

- Müəyyən çətinliklər olsa da, alındırmağa çalışırıq. Çalışıram ki, ailəmlə çox vaxt keçirdim.

- Mən bu sahəyə gələrkən ağlıma gəlməzdi ki,.. Bu fikri özünüz tamamlayın, zəhmət olmasa.

- Bəzi həkimlər deyirlər ki, həkimliyin bu qədər çətin olacağını bilsə idik, həkim olmazdıq. Amma mən indi özümü çox rahat hiss edirəm. Çünki özüm oxumuşam. Öz üzərimdə çalışmışam. Həmin çətinlikləri keçmişəm. İndi mənə heç bir şey çətin gəlmir. Mənim üçün çətinlik olmasa, darıxaram (gülür).

Əlaqə nömrəsi: (050) 637 71 73


скачать dle 10.6фильмы бесплатно