- Ləman xanım, necə oldu ki, bu sahəyə gəldiniz?

- Mən Pedoqoji Universiteti bitirdim. Sonra təhsilimi psixologiya və loqopediya üzrə davam etdirdim. Hal-hazırda da Türkiyənin Beykoz universitetində psixologiya üzrə təhsil alıram. Bu vaxta qədər bir çox yerlərdə psixoloq-loqoped üzrə fəaliyyət göstərmişəm. Artıq dörd ilə yaxındır ki, pedoqoji kollecdə dərs deyirəm. Bir neçə kitabın müəllifiyəm. Eyni zamanda xüsusi qayğıya ehtiyacı olan uşaqların ictimai birliyinin psixoloq-loqopediyəm. Hal-hazırda "Loqoritmika" reablitasiya mərkəzinin direktoruyam.

- Ümumilikdə neçə ildir ki, bu sahədəsiniz?

- Artıq on dörd ildir ki, bu sahədə faəliyyət göstərirəm.

- Bu illər ərzində nə müşahidə etdiniz?

- Bu illər ərzində çox yeniliklər oldu. Bir çox layihələrdə iştirak etdim. Təşəkkürnamələr aldım. Yeni proqramlar və kitablar üzərində işləyib ictimaiyyətə təqdim etdik. Bundan başqa, təlimlər və semianrlar təşkil etdik.

- Xarakter olaraq necə birisiniz?

- Mənim empati hissim çox güclüdür. Bu da mənim daha ədalətli və mərhəmətli olmağıma zəmin yaradır.

- Ailəlisinizmi?

- Bəli, ailəliyəm. Bir qızım, bir oğlum var.

- Son zamanlarda sizə daha çox hansı problemlərlə bağlı müraciət edirlər?

- Daha çox autizm xəstəliyi və depressiya halları ilə bağlı çox müraciət olunur.

- Bu, nə ilə əlaqəlidir?

- Genetik də ola bilər. Eyni zamanda, ailə mühitindən qaynaqlanır. Son zamanlarda davranış pozuntuları çox müşahidə olunur. İllər artdıqca, sanki sağlamlıq imkanları məhdud uşaqların sayı da artır.

- İş prinsipiniz nədən ibarətdir?

- Biz həm sağlam, həm də sağlamlıq imkanları məhdud uşaqlarla çalışırıq. Sağlamlıq imkanları məhdud uşaqlarla bir proqramla işləyirik. Amma bu, uşağa yanaşmamız və onun tabe olmasından asılı olaraq dəyişir. Burada uşağın qavrama dərəcəsi də əsas götürülür.

- Valideynlərə nə məsləhət görürsünüz?

- Sağlamlıq imkanları məhdud uşaqlarından utanmasınlar. Onlara bir sınaq kimi baxsınlar. Tipik uşaqlarla isə dost olmağa çalışsınlar. Ən əsası, təmkinli olsunlar. Uşaqlara bir fərd olaraq yanaşsınlar.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Ağlıma gələmzdi ki, bu qədər sağlamlıq imkanları məhdud uşaqlar var.

Əlaqə nömrəsi: (055) 2410046

(050) 3808747













скачать dle 10.6фильмы бесплатно