- Günel xanım, necə oldu ki, həkim oldunuz?

- Anamın istəyi ilə həkim oldum.

- İndi olduğunuz mövqedən razısınızmı?

- Bəli, çox razıyam.

- Artıq neçə ildir ki, bu sahədə fəaliyyət göstərirsiniz?

- Artıq səkkiz ildir ki, bu sahədəyəm.

- Bu səkkiz ildə nə müşahidə etdiniz?

- Əvvəlki illərə nisbətən tibb sahəsində çox irəliləyiş var. Pasientlər də bu sahədə daha da maariflənsələr, yaxşı olar.

- Beynəlxalq konfranslarda iştirak edirsinizmi?

- Bəli, mütəmadi olaraq iştirak edirəm. Türkiyədə və Rusiyada təşkil olunan konfranlarda olmuşam. İnşallah, Fransaya səfərimiz gözlənilir. Ümumiyyətlə, konfranslarda iştirak etməklə həm bal alırıq, həm də öyrəndiyimiz yenilikləri ölkəmizdə tətbiq edirik.

- Xarakter olaraq necə birisiniz?

- Mənim üçün ən vacibi düzgün və vicdanlı olmaqdır. Çalışıram ki, bu prinsipləri maksimum dərəcədə qoruyum.

- Bəzi insanlar həkim məsləhəti olmadan müəyyən dərmən preparatlarından istifadə edirlər. Bu, dərəcədə düzgündür?

- Tamamilə yalnışdır və yolverilməzdir. Hər bir orqanizm fərqlidir və individualdır. Həkimin məsləhəti olmadan dərmanların qəbulunun əleyhinəyik.

- Başqa nəyin əleyhinəsiniz?

- Yalanın, xəyanətin, xainliyin və s.

- Son zamanlarda insanlar sanki bir sterss içərisindədir. Bunu nə ilə əlaqələndirirsiniz?

- Bu, qlobal bir məsələdir. Bir-iki nəfərdə deyil, toplum olaraq toplum olaraq belədir. Bu da daha çox texnologiya və informasiya çoxluğu ilə bağlıdır.

- Bəs bundan necə qurtulmaq lazımdır?

- Qurtulmaq çətin məsələdir. Hər bir insan özü fərdi olaraq bununla mübarizə aparmalıdır. Çünki bu yöndə verilən məsləhətlər çox zaman faydasız olur.

- Oxuculara nə məsləhət görürsünüz?

- Məsləhət görürəm ki, öz sağlamlıqlarının qeydinə qalsınlar. Tibb sahəsində maariflənsinlər. Ən əsası isə həkimə vaxtında müraciət etsinlər. Çünki vaxtında olunan müraciət gələcəkdə yarana biləcək böyük fəsadların qarşısını almaq deməkdir.

Əlaqə: (050) 553 55 44

Ünvan: Mərdəkan, 26 saylı BŞX

[center]