- Əzizə xanım, necə oldu ki, müğənni oldunuz?

- Bu sahəyə maraq məndə uşaqlıqdan olub. Rəhmətlik atam həm peşəkar jurnalist, həm də musiqiçi idi. Öz şəxsi studiyası var idi. Bir çox tanınmış müğənnilərlə çalışıb. Mən də atama baxıb həvəslənmişəm. Düzdür, bir müddət arzularımı reallaşdıra bilmədim. Ailə qurdum. Yoldaşım oxumağıma icazə vermədi. Ailə həyatım dağıldıqdan sonra səhnə fəaliyyətinə başladım.

- Artıq neçə ildir bu sahədə çalışırsınız?

- Artıq üç ildir bu sahədə fəaliyyət göstərirəm.

- Amma gəlin, etiraf edək ki, bir o qədər də tanınmırsınız. Bu, nə ilə əlaqədardır?

- İndiki zamanda tanınmaq üçün mütləq bir dəstək lazımdır. Amma mən heç kimdən asılı olmaq istəmirəm. Öz gücümə qabağa getməyə çalışıram. Dama-dama göl olar. İnanıram ki, nə vaxtsa istədiyim yərə gəlib çıxacağam.

- Xarakter olaraq necə birisiniz?

- Mən çox güclü qadınam. Amma ürəyim də yumuşaqdır.

- Özünüzü daha çox gözəl hesab edirsiniz, yoxsa cazibədar?

- Məncə, cazibədar (gülür).

- Daha çox nə ilə cəlb edirsiniz?

- Gözlərimlə cəlb edirəm.

- Gözünüzdən nə düşüb?

- Bir çox insanlar.

- Bəs gözünüz nəyə düşüb?

- Gözüm yalnız sənətimdədir.

- Zərərli vərdişləriniz varmı?

- Var, siqaret çəkməyim.

- Nədən vaxtında istifadə etməmisiniz?

- Pulumdan. Vaxtında çox imkanlı olmuşam, amma istifadə edə bilməmişəm.

- Yağışdan çıxıb yağmura düşmüsünüzmü?

- Çox olub.

- Geyim baxımından kompleksiniz varmı?

- Yoxdur, amma bacardığım qədər açıq-saçıqlıqdan uzaq qaçıram.

- Özünüzə kişi gözü ilə baxanda nə düşünürsünüz?

- Bir onu bilirəm ki, harada olmağımdan asılı olmayaraq, diqqətləri öz üzərimə cəlb edirəm.

- Göz yaşlarına inanırsınızmı?

- Çox vaxt inanıram, amma çox vaxt da bundan ziyam görürəm. Əfsus ki, özüm ağlaya bilmirəm.

- Kimin yoxluğu ilə barışmırsınız?

- Atamın yoxluğu ilə hələ də barışa bilmirəm. Atam sağ olsa idi, mən istədiyim hər şeyə nail olardım.

- Fələyin sizinlə "dava"sı nə üstündə oldu?

- Birinci atamı itirdim, daha sonra çox şey itirdim. İtirə-itirə gəlirəm.

- Bəs sizin üçün nəyi axtarmaq samanlıqda iynə axtarmaq kimidir?

- Əsl sevgini, əsl hisləri.

- Bir göz qırpımında nəyi silə bilərsiniz?

- Xəyanətkar insanları. Dəfələrlə belə insanları həyatımdan birdəfəlik silmişəm.

- Lezbiyanlara və geylərə münasibətiniz?

- Mən onlara xəstə kimi baxıram.

- Lezbiyanlardan təklif alımısınızmı?

- Lezbiyanlardan çox təkliflər almışam. Ağlıma gəlməyən adamlar idi. Şoka düşmüşdüm.

- Mənim ağlıma gəlməzdi ki,.. Bu fikri özünüz tamamlayın, zəhmət olmasa.

- Ağlıma gəlməzdi ki, əvvəlki imkanımdan əsər-əlamət qalmayacaq və mən bu yerə gələcəyəm.